澳門

見到漁人碼頭內的萊斯酒店做promote，好低，book了一晚同媽媽一齊去澳門玩兩日，一早去到澳門，未夠鐘check in，先去氹仔四季酒店同威尼斯人行一行，去過褔隆新街，杏香園食甜品，永利睇音樂噴泉，金錢樹，舊民政大樓等等，晚上因有coupon，去了漁人碼頭食buffet，普普通通啦，因為快到Halloween，漁人碼頭大街都有嘩鬼出沒。

講返間酒店，英式，超靚，影相一流，最喜歡個浴缸，忍唔住要沖返個泡泡浴，十分喜歡啲間酒店，正!

重慶大慶咖哩王

同同事去重慶食咖哩，一入去，見傳單，就去了咖哩王，收費平，味道好，開心的一餐。

The Helena May

位於中環的英式大屋，梅夫人婦女會一年一度開放日，請了半中假，入去影影相。英式大廳，花園，很美，大廳有慈善義賣，我買了一隻木手鈪，花園有afternoon tea，坐在花園，食件cake，relax!

Disneyland Halloween

同家姐去Disneyland玩Halloween，鬼屋唔驚，仲好靚!見到啲小朋友好驚真係好好笑。入到去鬼屋，見到個姐夫突然拖住個小朋友，原來個小朋友驚，行行吓，無啦啦有個人行得好貼我，原來是個小朋友媽媽好驚，因為唔想有人貼住我行，所以比佢同個細路行先，結果......個媽媽拖住個細路跑了出去，真係笑死我，有冇咁驚，驚就咪鬼玩，個細路發惡夢呀!