Pasta Making

朋友仔帶我去matching，今次係一邊matching一邊學整pasta，場地係TST Fat Angelo's，有嘢食又有嘢玩，整pasta都幾難同煩，整到好厚，當然唔係咁好味，至於matching，得個桔都冇呀。

通宵沒睡後的午飯

尋晚1點鐘，老細打比我話公司有大鑊嘢，佢返緊去，叫我6點返去接力，真係好欣賞我老細做事好有heart有衝勁，我真係覺得佢好叻。我成晚冇訓，今日個Lunch要食好啲，同自己打打氣。去咗士丹利街11號一間日式餐廳，咖哩牛，好味，係個甜品差啲。

法式薄餅店Fleur de Sel

學泰拳前，去食個法式薄餅先。銅鑼灣新開樓上小店，法國人開，裝修有法國風情，如果唔係趕住上堂，一定會坐耐啲。點了一鹹一甜薄餅。好味!

愛上泰拳

同朋友去學泰拳，啲間就係陳豪天與地拍打泰拳戲嗰間，第一堂免費，之後一個月四堂，500幾蚊，泰仔做教練。真係幾好玩，最鐘意出拳踢腿，唔玩唔知我都有啲天份。

韓燒

同朋友Mage Box唱完K，去咗韓食家晚飯，Set都幾抵，味道普通，别無選擇之下可以試吓。

謙記打邊爐

同舊同事晚飯，又係打邊爐，去咗謙記，原本想試麻辣，但個個都病，唯有食其他湯底，味道唔錯，但唔知點解冇咩人呢。

CS gathering - 灣仔世紀

CS team由3人加至依家6人，CSA都轉咗幾代人，又多咗個新上司，佢仲好豪咁請成team人食buffet， 真係多謝晒，同新上司合作愉快，一個好開始!

囍宴湯圓

一向覺得囍宴既食物好味，行過超市，見到有囍宴湯圓，買返屋企試試，好味，好食過其他牌子，推介!

SKY 100

天朗氣清，登上Sky100，行一個圈，維港景真係好靚，如果日落時候嚟，睇埋夜景，會更低，百幾蚊一張飛，香港人嚟一次就夠!

中秋影月

中秋節，見到個月光好圓，突然想試試影吓個月光。個位set唔到腳架，唯有用手hold住部機，manual試咗好多唔同光圈快門，張張唔係矇就係爆光，影咗60張，得1張冇咁矇，但係都係唔夠sharp，張相係用1/250快門，F9.0，點測光，ISO 100影，但係點解唔sharp?除咗少了腳架，仲較少咗咩，setting有問題?

Happy Hour

收工同同事去Inside Out Happy Hour，飲到好鬼眼訓。In side out最特別係花生殼可隨地扔。全場成地花生殼。

半島酒店奶黃月餅

半島酒店奶黃月餅，傳聞賣繼市，有contractor送，試咗，真係好好好好味!

來佬餐廳

又係約舊同事食飯，今次揀去來佬餐廳。裝修懷舊，其實有啲似太平館。今次試佢地個set lunch，70幾蚊。有點心、炒粉 /飯，加飲品。都ok，最搞鬼係每張枱都有張迷語卡，問題好無聊!下次要試吓佢既瑞士雞翼!