Make up class

公司要所有CS學化妝，所以今日我就帶咗班CS去Shu uemura學化妝，$470每人，上完堂仲可以換product，我換咗eye shadow。其實一班人去學又幾好玩，落咗妝，個個真面目出晒來，有啲完來係黑妹，有啲超大黑眼圈，好好笑。

龍蝦午餐@Cafe Landmark

想試好耐，終於試到，食一次富貴午餐，$250一個龍蝦意粉，好好味，食晒成碟，好滿足!不過真係貴，要食番一個星期McDonald's$20餐先得。

Assaggio Trattoria Italiana @ 藝術中心

阿姐放假，衝出金鐘，去灣仔午餐，點咗個羊架，雖然病病哋冇晒味覺，但都食得出好好味!好滿足!

滬江大飯店

同事生日，一班人去尖沙咀滬江食晚飯慶祝。開咗咁多年都咁旺，都知一定好味。點了響鈴火腿夾包- 要趁熱食，響鈴好脆，蜜汁火腿甜甜的，好想食多件，可惜一人只得一件、豆腐餃子- 豆腐包住素菜，好滑好味、臭豆腐-又係要快食，超好味、小籠包-多汁，都好、高力豆沙、鎮江肴肉好OK，一間不錯的上海茶館。

Simplylife Bakery Cafe

朋友約食飯，唉，撞啱有VIP到公司，要返去幫手，食半個鐘就要走，趕項趕命。其實環境食物都好，想enjoy吓都唔得。

BLT Burger

成日行過都想食啲間，今次食倒啦。牛肉juicy，多汁，好味呀。佰幾蚊一個餐，大大個burger，一個人真係食唔晒，下次想食都唔可以自己一個嚟食!

The Library Cafe

尖沙咀難得有一間冇自由行，冇咩人，環境好，食物又好既地方。下次行得攰，想抖抖，去嗰度最岩，就喺連卡佛女裝鞋部附近!

尚興

7月1日，帶個同事返公司睇煙花，諗住set腳架影相，點知未set好，煙花就開始咗。結果係求其影。

之後，去咗尚興食嘢，以前食過，覺得好味，今次食，只係叫咗拼盆同蠔仔粥。拼盆好味，蠔仔粥一般啦。