Pokka Cafe

同多年冇見中學同學午餐，大家都冇咩變，咁就咁多年，唉，真係唔想時間過得咁快。Pokka都好耐冇來過，價錢貴咗，個牛同湯都好，個咖啡好甜。

飲茶

一家人食飯，去The One東海，環境開揚，最好係一坐低就有兩藍炸蝦片，好耐冇食過蝦片啦，好味! 點心樣樣都OK，family day唔錯!

Merry Christmas

 

聖誕又到，又係各大小商場佈置靚靚裝飾既時候，今年要數最靚，我覺得係置地，個吊車真係好得，皇后像廣場既旋轉木馬都好舞幻。細個好鐘意聖誕，大個咗，覺得聖誕好難捱，自己一個，真係好悶。

Lunch Birthday Buffet

Y同事同L同事生日，去Renaissance Harbour View食lunch buffet，食物都算好味，可惜冇生蠔，200幾蚊，算叫平。
Happy Birthday 呀!

海南少爺

一個人，本來想去大坑食curry，未開，轉去銅鑼灣隨便就入咗海南少爺，之前食過這裏的海南雞飯，未至於一試難忘，今次試喇沙，好味，但覺得不是正宗。

一連兩場

今晚收工，同Y同事去蘭桂坊D 26飲嘢，叫咗小食，啲度勝在平，happy hour真係幾低。食物都唔差，幾好。

8點，要去第二場，落Causeway Bay Inside out同舊同事又飲過，仲有聖誕禮物收，Merry Christmas呀!

金田放題

 

朋友生日，一齊去尖沙咀金田食放題，open rice好似講到好得，但都係麻麻地，連雪糕都冇。

Round House

同朋聚舊，去尖沙咀Round House晚飯，出名啤酒、雞尾酒，當然要試一試啲個混合物，Beergarita，賣相得意，都OK!食物又係點晒出名，啤酒雞，都幾好，炸豬手，鹹咗啲，炸蠔，OK，係一間可試既餐廳。

秀拉麵

同同事去食拉麵午餐，90蚊拉麵，小食加飲品，湯底好杰，同事話唔好味，我就覺得幾好味，係鹹咗少少同好肥好多油。

印度私房菜

Lunch去咗蘭貴坊榮華大廈樓上鋪食Curry，40幾蚊一個set，勝在人少，但夠熱，都係重慶好味啲。

二人大餐

收工又同同事去Stormies飲嘢食飯，叫咗支紅酒，又叫咗好多食物，有burger，雞翼，焗薯同蟹腳意粉，係冇咗亞拉斯加蟹腳，個雞翼好好好好味，多嘢食到食唔晒，好豐富既一餐!