五代同堂

打完邊爐，去咗食甜品，本來都食榴槤河粉，但賣晒，最後叫咗芒果河粉同炸香蕉，兩樣都好好味，芒果甜，河粉滑，係個炸香蕉凍咗少少。唔怪得成日大排長龍啦。

譚魚頭火鍋

為感情事煩腦，同事收工捉咗去食飯傾計。有啲事唔係傾吓就可以放開。譚魚頭以前同事飲茶就飲得多，打邊爐都係第二次，上一次仲要係好幾年次。今次叫咗嘛辣鍋，味道好好，不過冇任食，價錢都幾貴。

New Year farewell Lunch

同班同事食好啲，好難得落灣仔AL Dente lunch，百幾蚊一個午餐，好味，好飽，好滿足。食完今餐，office就少一個人啦。

富豪飯堂

同屋企人去福臨門飲茶，見唔到大劉，但見到無線啲大大大配角。食物，好味，新鮮，貴但值!

Petite Amanda

平安夜，早收工，去IFC買兩件Amanda蛋糕慶祝吓。上次同事買過，好唔掂，唔知點解有垃圾味。今次為咗要平返，再買再試多次，今次買咗Charlotte aux Poires， aux poires”在法文中是「梨」的意思，係一個梨子蛋糕，令一個是開心果味蛋糕。好味，不過啲梨甜咗啲，40幾蚊一件，仲貴過文華，佢唔係唔好食，但文華好味啲又平啲啲囉。今日買蛋糕仲見到Amanda真身，真係好sharp!

牛頭角雲興隆

今日公司Christmas party，開開心心輕鬆又收工。收工同事帶我去baubaus開倉，佢哋行到唔願走。之後去咗德褔食雲興隆小廚，啲間出名煲仔飯，點咗，等咗好耐，原來冇落單，其它小炒都好味，係差咗個熱辣辣既煲仔飯囉。

和歌山拉麵

朋友生日，請佢食個午飯，是旦去咗IFC和歌山，拉麵set，百幾蚊一個，味道麻麻，唔係好值。下年要帶佢去餐好啲先。

香辣屋

好耐冇食過香辣屋，仲以為以經執晒。同朋友坐咗成晚，成晚開解我，冇用，我真係好鐘意Ｅ先生，我放唔到手呀。

Tiramisu

Tiramisu，意大利甜品，解作pick me up(要我吧)的意思，是我其中一樣最拿手既甜品，簡單，易整，做比喜歡的人食，最好不過!

材料:
雞蛋 4隻
砂糖 100克
咖啡 4杯(用咖啡粉開，不落糖及奶，要齋啡)
咖啡酒 2湯匙
意大利蛋餅 1包
朱古力粉 適量
Mascarpone Cheese 500克

做法:
1. 先將蛋白和蛋黃分開，將蛋白打至全起泡沬。蛋黃加入糖打至完全溶解為止。
2. 把以上材料連同Mascarpone Cheese一同放入大碗中攪拌，直至呈企身。
3. 用熱水把咖啡粉開成咖啡，加入咖啡酒(濃度視乎個人喜好)，把意大利蛋餅放入開好的咖啡中，輕沾咖啡後放入杯低(手勢要快，否則蛋餅很易爛)
4. 當鋪滿一層後，加入(2)的芝士漿，然後重複以上步驟(視乎器具深度而重複鋪上蛋餅及芝士漿)。最後把Tiramisu放入雪櫃最少3小時，然後加上朱古力粉及薄荷葉於表面即成。

甜品堂sweet classroom

好耐冇坐過學校櫈，啲間在西環第三街既甜品鋪整到好似班房咁，好得意。甜品梳乎里好似食陣風落肚咁。

糖仁街

食完飯，食甜品，又係是旦去一間，出名雪花冰，試過，幾好，不過冬天食真係太凍啦。

妹記

同同事收工出咗尖沙咀，有人極力推介妹記，未試過，叫咗炸豬手，豬大腸，好好好好好味，一食難忘。真係要推介，正!

永樂園熱狗

同事下午出去買咗永樂園熱狗做下午茶。一人一隻，食吓傾吓好快又收工。

Charlie Brown coffee

食完Tea Buffet，去咗飲coffee，依家我既心情，食咩飲咩都冇味!

Ocio 甜品店

打完拳，又去食甜品。去咗登龍街新開歐陸甜品店，叫咗個流沙拖肥布甸伴雪糕。熱既布甸加凍既雪糕，好味。

傷心酸辣粉

打拳前，又去食飽飽先，去食麻辣粉，個人覺得，好似渝酸辣粉好味啲。