第二天- 在喀什米爾

吃過午飯，出發自費項目行程(US$27)，第一站回教清真迦瑪寺Jama Masjid，位於達爾湖的西岸舊市街，為罕見木造清真寺。自1400年建成至今。

 

之後，導遊帶去行市集，一個非常熱鬧的市集，好多嘢睇，好多嘢賣。買了印度版利時薯片，超好味。印度人天生都係一個甫士王，完全不怕鏡頭。發現你影佢，只會有兩個反應，一係keep住個post，等你影佢，一係對住鏡頭笑，個個眼大大，靚仔又靚女，真係一個好好既model。

仲有唔知點解啲印度女仔對我好好奇，行完啲個市集，比啲印度女仔摸咗成4、5次，仲以為佢哋想偷嘢，但係又唔係，好奇怪。

 

最後一站，位於達爾湖的西岸東岸305米高山頂上的印度教廟，廟內播著印度歌，又過衝動想跳番part舞。

喀什米爾的船屋

來到喀什米爾，做了兩晚水上人，船屋為印度淪為英國殖民地時，喀什土王不許英人在此買地建屋，英人只有在水上造船屋居住，英人走後這些船屋便賣給當地生意人當觀光旅館。後來他們發現觀光客特別喜歡住船屋，感受這份新鮮與好奇，於是生意人便又陸續造了許多新的船屋，也就是今天達爾湖上所見的景觀了。至於船屋與船屋之間的交通他們有一種叫希卡拉的小船來維繫。而且船屋上還有一位專門伺候遊客起居飲食的管家。
船屋看似好華麗，其實都頗為陳舊，房間燈光暗暗的，花灑沒有足夠熱水，只有幾個小孔出水，幼幼的。飯餸餐餐都差不多，蔬菜白烚，其它都是咖哩，當中咖哩腸同意粉最好味。會記得管家成日講的"Ladies，食飯啦!"同每日早上五時回教教徒諗經的聲音。

到達喀什米爾 - 斯里納迦Srinagar

喀什米爾位於印度北邊，鄰近巴基斯坦。氣候比印度其它地方清涼，早上只得10多度，冬天會落雪。喀什米爾一心想獨立、脫離印度以親巴基斯坦。因此印度派軍隊駐守，滿街都可以看到荷槍實彈的軍人及軍車。來到喀什米爾，最吸引我的是滿街colorful的牆及車，全部都是影相的好background，如果可以下車影相就好啦。

India第二天 - 新德里往喀什米爾New Delhi to Kashmir

由新德里往喀什米爾要5.5個航程。出發前喀什米爾有水災，死了200多人，一直擔心去不到，好彩雨水已退，仲天朗氣清。

印度八天遊開始

香港佔中，我就去印度了，香港時間深夜兩時落機，半夜三點返到酒店，五點瞓覺，八點一起身出機場飛去喀什米爾，貫切我一貫作風，旅行辛苦過返工!

上機前的小吃

出發去印度啦!去到機場，去食個米芝蓮阿鴻小吃先，又唔係神級好味啫!不過就好飽啦!

糖膠公仔

今日又去咗囍宴學整糖膠公仔，600幾蚊4個鐘，以為裡面係蛋糕，點知係個模，整來如果係個蛋糕就送比楊經理個女做生日蛋糕，而家要放喺屋企做擺設，同場有小點同教整糖，但個個好busy咁整公仔，有人理啲糖點整。我整得好靚架!整完公仔就約咗楊經理同K同事去Inn side Out Dinner，有我最愛及暫時全城最好味的牛扒!

 

Baby Mon Cher

又一人氣蛋糕，Baby Mon Cher既Hello Kitty香滑蛋糕，又真係繼軟滑!

Hard Rock 回歸

Hard Rock又喺香港開返，同事生日，去Hard Rock慶祝，set lunch佰幾蚊，不過我哋散叫，叫咗好多嘢食，食到食唔晒，好味好味!

健康食品拉麫

中午行上去中環搵食，行到去街市嗰頭，見到有拉麫，入去食碗麫，又有驚喜喎，濃濃的豬骨湯底，約OK!

貴價咖啡

朋友極力推介，試過，不是神級般好飲，奶夠滑，外賣杯都有拉花是驚喜，賣得貴過starbuck都係因為啲個拉花？！下次可試black coffee,試真個味先得。

韓式炸雞

去李家食炸雞+啤酒，見唔到靚仔都敏俊，但見到阿叔版都教授同阿嬋版千頌E,不停投訴閙爆話點咗個餸叫年糕肉排，點解得肉排冇年糕，個𡃁仔waiter同個韓國waiter,搞唔點呀叔，係咁比阿叔食住個勢，我一面睇一面諗如果係我會點應對，對CS咁有經驗既我當然可以圈出有咩對答不完善，同點樣可以處理得好啲既地方。但叧我更有興趣係想知點解年糕肉排冇年糕，當然年糕肉排只係菜名，不是餸菜description,等如黑牛沒有牛一樣，但真係好想知佢係咩菜式，上網search過，原來年糕肉排是韓國宮庭菜，傳統是沒有年糕，叫年糕肉排是因為製作過程要剁碎豬肉成肉碎，動作似做年糕，而肉排四四方方亦狀似年糕，所以叫年糕肉排。真相大白，香港人實在太愛投訴，自己見識少仲要投訴人，真係笑死人，但㸃解兩個waiter𠲖𠲖哦哦都講唔到啲個point,就是training問題，如果有training比staff了解每個菜有咩材料，味道及背後故事就會成件事唔同曬。突然想起早排有同事同我講如果我可以將班傻更更阿叔變特警，我就發啦，啲個都係training問題，只要可以將阿叔變特警，就大把公司叫我開班授徒，真係發過人生教練，將抵B變特警，係我來年工作項目，高難度task。

講返炸雞，原味似好味版家香雞，另一隻酸酸甜甜，好好味，回味!