伊呂波

星期日，要返公司做嘢，完咗presentation，同同事去咗伊呂波食個燒肉午餐，set lunch佰幾蚊一個，燒肉大碟又好味，，真係唔錯，三個人，叫唔同既燒肉，有和牛，牛肩肉，每樣都好味，中午食低好多!

Delicious Italian CNY dinner

為咗個比賽，成個下晝去咗花墟買花，返到公司都6:00，去天台做咗個自然角，小花園，立即send啲相比E先生，佢提過的roof garden，佢睇完相都話nice。

同經理去LOBBY影新年decoration，影完一齊去晚飯，去咗灣仔Brim 28既Tinello食意大利嘢，叫咗支白酒，青口，意大利飯同pizza，個青口好好味，我少食青口海鮮都覺等好好味，人又少，環境又好，以後又多一個選擇啦。

 

JANG

同事升職請食飯，去中環L Place既JANG食個韓國午餐。侍應都係韓國人，裝修morden，叫咗個燒牛肋肉，一上枱，好似只得幾片肉冇睇頭，但食落味道好好味。又有個甜品雪糕糯米糍，佰幾蚊，算OK。

團年飯

今年團年飯搞搞新意思，去灣仔皇悅食自助餐當團年，3伯幾一個人，但promote買一送一，即佰幾蚊一個人，見open rice食評好差，但今晚試過，又唔係，幾好味，又再一次証明食評不可信。原隻乳豬，好好味，好脆，每人又有半隻乳鴿，好味，以啲個價錢，抵食。

手袋 - Marc by Marc Jacobs

想買一個手袋，年尾時睇中Marc by Marc Jacobs一個米白色手袋，$3600幾，好貴，等了又等，等到佢減完再減，連卡佛再9折，$1900幾，平無可平，可惜只等桃紅色，都算係一個特別既顏色，like!

還神

年尾公司要還神，還完神，叫咗稻香盆菜同大家樂翅，盆菜7伯幾蚊，冰咗，真係要煮滾先有得食。有鮑魚，趐，魚肚，花菇，海參，瑤柱，鴨掌，海蝦，雞，幾好味，大家樂碗仔翅都唔可以睇少，好足料，又好味，絕對唔係下午茶碗仔翅。今餐食得開心。希望大廈事事順利。