Wine & Dine Festival

朋友話想去美酒佳餚巡禮，第一年在西九舉行，比入場費，有酒飲，但好多人，好似美食展咁，迫餐死，唔會再去啦。

舊居

媽話想去以前住既警察宿舍睇吓，星期六收工，帶佢去，就係西環加惠民道，已人去樓空!話當年行程又完成一個!

第一隻大閘蟹

朋友帶我去食東海食大閘蟹，咁大個女都係第一次，大鄉里出城，菜單有蟹粉小籠比包(Juicy)、兩隻大閘蟹(鮮甜)、蟹粉茸蓉包(好好味)、上湯灼時蔬、烏冬、湯丸，好飽好滿足，原來大閘蟹真係咁好味!

Marc By Marc Jacobs大袋

同同事lunch time去Time Square shopping，我買了一個袋，超鐘意，原價仟四，待價700幾，一個字，型!

廟街

去廟街食過幾次食，以後都唔會再食，試過一次，食煲仔飯食到嘔，又有次超難食，價錢又唔係平，都係做遊客生意!香港人無謂去啦!

山頂餐廳

終於可以一試山頂餐廳啦，以前在山頂做嘢成日想去食，坐唔到最想坐既半露天位，坐了裡面，叫了海南雞同咖哩，都係普通啫!

草地

朋友話要影草地，佢知道將軍澳清水灣半島對面有一個草地好靚，走去影相，又係一個不准進入，要偷偷地入去既地方，但就真係一大塊草地，影了一個下午，好靚好好玩。

堅道教堂

Luch Time，又同K同事去堅道天主教聖母無原罪教堂影相，好大，好靚，好靜。

家傳滬曉

同屋企人去APM晚飯，上海菜，叫了上海粗炒、蟹肉海鮮飯、小籠包、香酥鴨，今餐幾好味!

舊中區警處

荷里活道舊中區警處開放中，lunch time同同事K去影相，裡面其實係做緊展覽Faces & Places，但不重要，最重要係難得佢開放，入到去影相，機會難得，正!

衘泰坊

同朋友去APM行街食飯，食泰國嘢，有柚子沙律、咖哩麫包雞、豬頸肉，個麫包雞好得意，傾吓食吓又一晚。

想像以外的越南之旅(30/9/2009 - 4/10/2009)-Day 5

好快，就來到行程最後一日，食過早餐就出機場。

1點多到達香港。

總括5天行程，越南給我的印象都不錯。建築物很有特式。一幢一幢色彩繽紛。

還有電單車多，很難才過到馬路!

還有電線奇多，究竟危不危險?

最意想不到就是洗手間出奇的清潔，就算是郊區的洗手間也沒有一點臭味。

 

全程唯一可惜是吃不到法包三文治和買不到有共產特色的手信。

 

想像以外的越南之旅(30/9/09-4/10/09)-Day 4

我住的酒店房間面對著頭頓海灘，原本打算早些起床看日出，但最終都等到六時才起床。起身一拉開窗簾，太陽已升到上水面。雖然天色不好，但都很美!

梳洗後，立即跑到沙灘影相，頭頓的沙灘很大，很長，看不到盡頭。清晨六時多的海灘，很靜，很清新，可惜要趕去吃早餐，否則，真的想一直在沙灘坐下去。

早餐後，參觀漆器廠，原來那些漆器的圖案是由貝殼及雞蛋殼做成，很美但比我之前在市區看到的貴很多。

午飯後，就前往全程我最想到的地方，就是古芝地道(Cu Chi Tunnels)(HK$180)。前往古芝地道，需時大約兩小時。沿途一直下雨，但幸運地到達古芝地道時，停了雨!

古芝地道是胡志明市三大遺跡之一，越戰時是越軍第二十五師的地下本部，如同一個地下村落。期實，古芝地道是在一個森林內，有很多地道，用來打游擊，是越南人大戰美軍的地方。

遊覽古芝地道其中一項一定要看的就是尋找地洞的出入口。如果不說，真的不知在那裏!

工作人員示範後，到我落啦!一如所料，下去容易，上來難，真的要人拉我上來!

來到古芝地道，另一樣要親身體驗的就是行一行又熱又焗又難行的地道。難行是因為要彎身而行，雖然是短短的一段路程，但都很累很辛苦!

 

還有，要一嘗游擊餐，即是木薯加花生粉，感覺像吃番薯!

回程，又下雨，在餐廳吃飯時，還行雷!晚飯吃順化皇帝餐，很精緻，很好吃，很滿意!

回酒店途中，看到有人擺酒，回到酒店，又有婚宴，原來越南人都興中秋節結婚!

晚上，又到酒店對面cafe飲咖啡，今次喝的是凍咖啡，沒有熱咖啡那樣苦!

今年的中秋節都幾特別，下著雨，一邊看著越南的月光，一邊吃著越南出產的月餅，再邊喝越南咖啡......中秋節快樂!