Coffee Ice-cream

Hasgen dazs買兩球送兩球，自己一個點食得晒，隔離個個一pair pair食四球，我就自己一個食一球，我幾時先可以食四球呀，好鬼悶呀!

王子飯店

星期日，帶阿媽去遠啲飲茶，去咗北京道一號，好耐之前食過，好味，但今次食，差咗好多，唔怪得冇咩人，都唔會再來啦。

Quick lunch with前同事J

同事J唔做，今日返公司執嘢，收工同佢去公司對面Habitu lunch，我都係第一次食Habitu，又幾好味喎，希望J同事一路順風啦!

Apple Green

阿姐放假，同同事去遠啲落咗銅鑼灣lunch，聽聞好多人都話apple green幾好味，簡單一個午餐，OK既，不過又未至於好好好好味，唯一我鐘意係薯條好夠脆。

好驚呀

除咗訪客登記，小公主另一樣工作就係接電話，有一次，小公主打比上級﹕「好驚呀!剛才有個男人打電話搵工程部阿頭，好惡架!」

上級問﹕「佢鬧你? 」

小公主﹕「唔係。」

上級又問﹕「佢對你講粗口? 」

小公主﹕「唔係。」

上級再問﹕「咁佢對講了什麼?點樣惡法? 」

小公主答﹕「佢淨係話 “喂，我想搵林生。”佢把聲好大，好惡，好冇禮貌。我好驚佢會再打嚟，我可唔可以唔接電話?」

小公主梗係年紀太輕，未聽過周潤發講過﹕「我大聲，唔代表我冇禮貌架。」

接個電話都話驚，咁洗唔洗請個專人比你，專責幫你過濾電話!

坪洲

第一次去坪洲，真係好細，冇咩地方行，上過手指山，去過海邊望望風景，再食過島上最出名既蝦多士就回程!

廣島柑

去SOGO，見到有日本柑，成$30隻，試食，又好好味，甜、爽，買了!

Sea view lunch @ Watermark

收工同朋友去Watermark lunch，環景正，不過食物就普通，成200蚊一個lunch，覺得唔值，又係一個食景多過食味道既地方!