燒牛肉拌綠茶麵

屋企有好多綠茶麵，就試試整個日式晚餐啦。改用波菜麵都可以架!

材料:
牛肉粒 / 牛肉片 4安士
綠茶麵 半包
蒜茸 1瓣
日式薑燒汁 2湯匙

牛肉醃料:
豉油 1茶匙
日式薑燒汁 2湯匙
糖 1茶匙

做法:
1. 先將綠茶麵依麵上說明煮腍，瀝乾上碟。
2. 將醃牛肉醬汁與牛肉撈勻，醃廿分鐘。
3. 下一湯匙油於鑊中，開大火把牛肉放入，煎至金黃色上碟。
4. 原鑊爆香蒜茸，加入兩湯匙水及燒汁，煮滾淋於牛肉、綠茶麵之上即成。

Homei Cafe

行開太平山街，去咗一間小cafe抖一抖，啲間cafe好細，得3張枱，坐得9個人，但係裝修擺設有心思。一入去，已經比牆上幅畫吸引。叫咗個煙三文魚sandwich做lunch，加ice lemon tea，好外國feel!

東街、太平山街、差館上街

今日短週，突然想去啲近近地又未去過既地方，想起早排雜誌講上環，就去行一轉。

上環東街、太平山街、差館上街一帶有好多有突式既小店同designer shop，我最鐘意就係去啲啲地方，因為夠型嘛!

啲度有時有Art Jam，會有好多人坐晒出面畫油畫，不過今日冇開。

元八拉麵

舊同事約今晚食飯，好是旦咁去咗Time Square食個烏冬，啲間開咗Time Square Food Court好多年，我都係第一次食。今晚講真都唔係好想應約，揀食啲度，都係真快食快走。

Time Square哈利波特

哈利波特就上，Time Square都搭個哈利波特場景應吓景，去過英國，當然覺得Time Square嗰個假啦，但說真的，搭得好靚。

乾果蛋糕Mixed Dried Fruit Cake

又一個聖誕蛋糕，加了冧酒的蛋糕，開派對食最好不過。

材料:
乾果蛋糕
麵粉 220克
發粉 2克
淡牛油 180克
砂糖 150克
全蛋 3隻
乾果( 提子乾，黃梅乾，雜莓乾等)   一大包約300克
冧酒 80克

裝飾
黃梅果醬 適量
冧酒(掃面) 適量

做法:
1. 將乾果放入冧酒拌勻，浸約1小時，備用。
2. 將淡牛油及砂糖一起發打，分數次加入雞蛋拌勻，再逐次加入已篩的麵粉和發粉，繼續攪拌至粉粒消失，混合酒浸乾果。
3. 將以上材料倒入蛋糕模內至7-8成滿。
4. 預熱焗爐至180度，先焗7-8分鐘後，以沾水小刀在蛋糕中央界一刀，繼續焗20-25分鐘。
5. 出爐後掃上冧酒及果醬即成。

果子蛋榚

一個適合在聖誕做的蛋糕。

材料:
牛油 4安士
黃糖 3安士
雞蛋 3隻
麵粉 4安士
泡打粉 1/8茶匙
乾果、合桃肉及果仁碎 適量

做法:
1. 牛油加黃糖用攪拌器攪拌約8分鐘至軟身，邊攪邊逐少加入雞蛋，成牛油蛋漿。
2. 預先篩好麵粉及泡打粉，慢慢拌入牛油漿內，最後加入果子拌勻，形成粉漿。
3. 將粉漿倒入一個預先塗了牛油之紙杯內，約2/3滿，然後放些果子於頂部作裝飾。
4. 焗爐預熱後，放入粉漿約30分鐘，蛋糕呈金黃蛋，即成。(放涼後可灑上糖粉作裝飾)

紙做餐廳

前同事K請我食生日Lunch，我揀咗去西龍纤味，一間咩都係用紙做既餐廳，卓頭嘢，我唔係好欣賞，食物都冇咩特別，去一次就夠，anyway，都要將多謝前同事K啲一餐。

 

 

發記

食完飯，去咗發記食甜品，我叫咗個咖啡布丁，頭幾啖幾好味，但食食吓就好漏，一個唔太差既甜品。

六月一聚

每年六月飯局又到，去咗時代廣場金滿庭，啲間想食好耐，好多人都話好食，成日都好爆，今日食完，都OK既，但係冇好食到話一聲既感覺，同埋食既時間大少啦，趕人走，唔係好得囉。

 

鮨処光

朋友話要補祝我生日，佢又話好想食生嘢，結果我哋去咗天后一間小店鮨処光食一餐生嘢。

我哋點咗個由師傅發板既晚餐，先嚟個頭盆，有一條炸既多春魚，三文魚。

接住係魚生拼盆，新鮮。食淨咗個蝦頭，師傅會囉翻入廚房炸熟再食埋佢，成隻蝦頭食晒，好味!

之後再嚟壽司拼盆，和牛，天婦羅，烏冬同雪糕。

師傅每道菜慢慢上，咁啱又見佢鋪頭入緊貨，珍寶蠔好似好正，又整咗隻嚟食，好大隻呀，食完已經好飽。

師傅又介紹番茄，日本入口番茄，又真係好甜好好味。

今餐埋單其實好貴，兩個人成千五蚊。真係多謝晒呀。

今餐另一收獲就係見到佘詩曼，坐正我隔離枱，真人好廋呀。