點了個雞扒咖哩烏冬套餐，包小食及飲品，都係60幾蚊，價錢OK喎。
小食點了凍豆腐，又幾滑，醬汁係日式麻醬，一個開胃小食。
主菜烏冬，只有少少咖哩香味，不辣，如果有多多咖哩更好。
飲品柑桔特飲，難得沒有死甜，一個夠飽的飯餐，又要趕返屋企做功課了!
2014年3月29日星期六
Macau Field Study
去澳門睇古蹟，阿sir10:30在澳門等，一早同T先生食過翠華早餐，就趕去碼頭搭船，點知平飛賣晒，最快要到10:15。唯有買豪華位，去過咁多次澳門，都係第一次坐豪華位，$330，平價飛來回都買到。坐位係大啲，仲有飛船早餐添。
是日落大雨，一落船成身濕晒，阿sir帶去鄭家大宅、何東圖書館、St Joseph Church、福隆新街等，4點就散，未夠鐘上船，自己去堆德成大押，最後去新甫京玩咗陣老虎機。一天澳門遊完結，又要趕返屋企做功課。
2014年3月23日星期日
長洲海鮮半天遊
講咗成半年，長洲海鮮團終於搞得成，同事住長洲，所有嘢由佢一手包辦。在街市買了很多新鮮海鮮，聖子、賴尿蝦、蜆、鮑魚、扇貝、魚、象蛂螃，再攞去康記比錢廚房整，好似話煮埋收$70一碟。再點了炒菜、炒飯、炒麵、生炒骨、炸魷魚等，埋單都係每人$190，真係平到唔信。以前一直聽聞長洲食海鮮會比人搵笨，今之可以證實唔係，係超平先係，下次都可以自己買海鮮，再比人煮。
海鮮自己買，當然穩陣，煮完出來味道亦好好。很喜歡多多蒜蓉蒸海鮮，好鮮味。炒飯、炒麵康記出品，飯炒得好乾身，粒粒分明，炒麵亦夠鑊氣，正。
海鮮自己買，當然穩陣，煮完出來味道亦好好。很喜歡多多蒜蓉蒸海鮮，好鮮味。炒飯、炒麵康記出品，飯炒得好乾身，粒粒分明，炒麵亦夠鑊氣，正。
食完飯，成班人仲掃街，炸雪糕、炸薯片、大粒魚旦、雪條、砵仔糕、紅豆糕、芒果糯米糍，真係飽到嘔。
2014年3月22日星期六
偷孄break一break
星期六收工，又未夠鐘去學車，去了尖沙咀Bricklane飲杯coffee，間鋪想試好耐，由未去過英國既Bricklane到去年真正去到英國Bricklane，啲間Bricklane又令我想已英國的日子。簡單來個玉桂coffee，玉桂剛好，少少的發出香味，咖啡都算濃且滑，未至於好出色好飲，但足以令我叉足電走學車。
2014年3月17日星期一
School Food
朋友約食飯，去人氣餐廳School Food食韓食，冇得book枱，等位都等咗好鬼耐。入坐後，點菜。
烏卒卒$68 - 魷魚墨汁泡菜壽司，味道濃，有墨魚味，配上泡菜有少少辣。
炸雞大蔥沙律$78 - 雞很脆，酸酸甜甜，幾開胃。
半溶芝士辣年糕 $68 - 超辣，味濃。
飲品方面，叫了Fizzy Monkey$50同Matcha Do Do$50，普通之作。整體來說，School Food食物唔係唔好味，但係好普通，真係唔明點解會大排長龍!
烏卒卒$68 - 魷魚墨汁泡菜壽司，味道濃，有墨魚味，配上泡菜有少少辣。
炸雞大蔥沙律$78 - 雞很脆，酸酸甜甜，幾開胃。
半溶芝士辣年糕 $68 - 超辣，味濃。
飲品方面，叫了Fizzy Monkey$50同Matcha Do Do$50，普通之作。整體來說，School Food食物唔係唔好味，但係好普通，真係唔明點解會大排長龍!
食完飯，又去耀華街間The Coffee Academics飲咖啡，叫了Okinawa同Manuka，Okinawa係沖澠黑糖味咖啡，好甜味清香。Manuka係新西蘭蜜糖咖啡，蜜糖味道有啲怪，不是我口味，都係Okinawa好啲。
2014年3月12日星期三
2014年3月9日星期日
2014年3月8日星期六
訂閱：
文章 (Atom)