French press

今年在Franc Franc揀了French press做生日禮物，好想做咖啡達人!

北歐high Tea

今次試試尖沙咀帝樂文娜裡面間FINDS食afternoon tea，裝修好舒服，Tea set成個木架上，好靚。我就唔係好好甜品，所以就食晒甜品先，鹹點後食。

 

鹹點有三文魚及三文魚慕斯配麥芽包薄脆、煙三文魚配牛油果醬、燒牛肉薯仔沙律多士、Pama Ham牛油果麥包、羊肚菌蘆筍酥餅、鬆餅、麥芽包。

甜品有香蕉及朱古力Macaroon、雜莓海綿蛋糕忌廉杯、焦糖撻、芒果酥皮撻、馬天尼慕斯。

茶就要了Jasmine Green Tea。

仲有韓國手信，多謝!

個人不太喜歡甜食，只喜歡high tea既食物賣相同放置食物既器皿，如果high tea可以係全鹹點，有mini burger, fish & chip, 咖哩角春卷，腸仔串燒就perfect!

 

雲南米線

收工去搵食，30幾度，熱過火爐，橋香園雲南米線，好味過小雨天!

 

教會的一餐

同事話要請我食生日飯，帶咗我去佢教會，佢吔在分享前都會先一齊來個晚飯，飯是各位兄弟姊妹們煮，我都是第一次參加這種形式的教會。謝謝!

好好味的蟹飯

上午要返Head Office，在鰂魚涌食埋飯先返去，前J同事帶我去雄丼丼食蟹肉蟹子肉碎飯配蟹醋，好好味，50幾蚊，正!重點係蟹醋，令成碗飯超得。

8度自助午餐

同舊同事去8度食自助午餐，一直都想試，一來8度既電話相差一個number，啲人成日打錯電話比我哋，二來出名平靚正。其實都ok既，多嘢食，但我最愛既蠔淡而無味，同海鮮係麻麻地。

Batman來了Time Square

冇Batman戲上，但有Batman figure，真奇怪。

孫中山紀念公園

一大片草地，野餐一流!

Coffee Break

行得攰，去咗間冇咩人既cafe - open door cafe + courtyard，因為冇人，所以好好坐，咖啡未去到神級，但relax。

西環法式小店

睇完熊貓原本直落同朋友慶祝生日，但因為全身濕透，所以返屋企沖個涼，換件衫再出來玩。今日午餐選了一間法式小店Bristo Du Vin，裝修好浪漫，點了洋蔥湯、Braised Pork Cheek in Port Wine Sauce(紅酒牛臉肉)、Escargots on Bone Marrow(香草牛骨髓)、Pink Tiramisu。洋蔥湯好濃芝士味，好香，好好飲。牛臉肉又係濃濃的，肉質好淋，伴上薯蓉食，好飽肚。而Bone Marrow好油，味道是好的，但太肥了。最後Pink Tiramisu，原來是粉紅色的Tiramisu，士多啤梨sorbet，普通但fresh，可以去一去油膩感。這間Bristo真不錯。

黃雨快閃熊貓

快閃熊貓到了香港，難得啲站係遮打花園又係星期六又係我短週，當然要去影吓相，晨咁早起身，未到8點已去到，已經有人，一出去影相.....落雨，仲要大雨，快手影了幾張，避雨，一避就個幾兩個鐘，仲要全身濕透，黃雨下的熊貓，可愛，難忘!

BB拉麫

星期六唔會再有人同我食飯，唯有自己搵食，去了大坑食拉麫，豚王師傅自己出嚟開鋪，話有豚王味道，試了，味道OK啦!

6月聚會

又係一件一次6月聚會，今次選了灣仔銀座藏人食放題，最好係冇限時，淨係啲樣已要一讚，食物唔算好好味，但放題從來都不是食味道，今餐叫滿意。

食完行去銅鑼灣希慎食個甜品先返屋企，好飽!

第五餐生日飯

因為阿姐記錯日子，所以遲咗食同事生日飯，簡簡單單去Grappa's食個意大利生日飯，多謝各位!

灣仔遊

食完西班牙午飯，喺灣仔四圍行，本來想去舊灣仔街市裡面間coffee shop飲嘢，但超多人。

再行吓行吓，去咗剛活化完成既動漫館，翻新完唔同晒，你問我當然係舊樣好啦。裡面超冇嘢睇。

但有一間超懷舊餐廳，雖然飽，但都要入去飲杯coffee先。環境超正!Relax relax!

第三餐生日飯

6月7日生日正日，約咗朋友P & C去灣仔22 Ships來個西班牙菜，一直都好想試吓啲間，好彩早到，唔係就冇位坐，點了suckling pig(西班牙燒豬)、foie gras burger(鵝肝漢堡)、Crispy fish skin, smoked cod's roe, lemon(炸魚皮)$38、Jamon, Manchego & truffle toastie, quail egg (松露鵪鶉蛋多士$68。樣樣細細件，幾好味。

炸魚皮脆，配上面頭既醬，唔油膩有fresh既感覺。鵝肝漢堡jucy，少少一件剛好，松露鵪鶉蛋多士，烘得好脆，夾上西班牙火腿同芝士，已經好好味，再加上鵪鶉蛋蛋汁及松露香，香味，味道，口感都好豐富。西班牙燒豬味道都好，但皮唔夠脆，都係中式燒豬好!

多謝兩位的生日禮物!

第二餐生日飯

第二餐生日飯，同前同事C、K、J食，去了銅鑼灣泰簡單來個泰國生日晚宴。叫了冬蔭功、串燒、炒通菜、咖哩、燒牛肉沙律同炸蝦餅。成晚比我吐苦水，真係好想揾工走人，頂唔順公司既人做事手法。是晚居然仲有生日蛋糕，一日兩個生日蛋糕，仲有好豐富的禮物，好開心。