稻菊Inagiku

稻菊出名貴，今次，出了個300幾蚊半自助午餐天婦羅，同朋友去了IFC稻菊一試，少少地每樣試啲，炸得不油，好味，環境又一流，食環境又食味道，今餐真抵，值得一試，但很熱氣!

低食! 翅

老豆請食lunch，仲要食翅!灣仔名苑$198一窩,湯底真係煲到起膠,啲翅真係夾得起!Sooooo Yummy，推介!

南生圍

請了半日假，同朋友入南生圍，在元朗地鐵站落車，行過天橋，沿元朗BBQ場返方向一直行大約15分鐘，就會到南生圍，就有趣事，在村口居然有人聊我吔，一把年紀，真係好笑。要去樹林，要坐橫水渡。不消一分鐘，就到對面岸。一直行，終於見到一排排樹，同條橋，好多戲同MV都是在這裡拍。再行內一些，有兩間欄屋，一紅一白，紅色那間，我懷疑有嘢，一入去就頭暈，出返去就冇事，我都驚驚地。天氣很熱，知道南生圍沒有洗手間，水都不敢飲。真你好攰。南生圍靚唔靚?都靚既，但好多垃圾，影出來的影片靚過實境囉!

揚帆出海- 赤柱一日遊

朋友見到有個blog講赤柱有帆船坐，一小時幾佰蚊，叫我一齊一試吓。首站，去赤柱墳場影相，好耐以前都想到赤柱墳場影相，因為靚青草藍天白雲，一啲恐佈感覺都沒有。

下一站，行過對面，聖士提返海灘影影相，朋友話有好似到了墾丁。之後，到正灘鬼佬小廚食Pizza抖一抖，向住海灘，有feel。

跟住，坐帆船，一早book了位，帆船中間有個網，坐在上面，可以同海水好接近，帆船很舒服，同一般船河的船很不同，好feel好多。

晚餐，在boat House，對著海Candle light dinner，好浪漫，可惜同行朋友是女不是仔!

大澳睇中華白海豚

帶媽媽去大澳，在碼頭坐船出去睇海豚，知道海豚好難睇到，都係講彩數，又好好彩，見到，有啲仲跳出水面，但好難影，今次來大澳目的已達到。

客家茶果 - 蘿白板

媽媽係客家人，今日佢突然想整家鄉茶果蘿白板，我當然幫手之餘順便學吓點整啦。

 

 

材料

蘿白2條

糯米粉1包

粘米粉半包

西芹適量

蔥適量

冬菇５隻

臘腸，臘肉適量

蝦米適量

 

做法

（１）蘿白刨絲

 

（２）　西芹，蔥切細粒

 

（３）　冬菇，蝦米浸水切細粒

 

（４）　臘腸，臘肉蒸熟切細粒

 

（５）　蘿白烚一陣，倒去多餘既水待用

 

（６）　臘腸，臘肉，冬菇，蝦米，西芹，蔥一齊炒香，之後加入蘿白一同略炒，加入鹽及胡椒粉調味

 

 

（７）　用熱水再加入鹽將粉搓至粉團

 

（８）　將粉團分成小份，整成薄皮，放入炒好之材料，包好

 

（９）　將包好之茶果放於蒸籠內蒸約１５分鐘，完成

譚公誕

佛誕當日，亦是譚公誕，筲箕灣有舞龍舞獅，好熱鬧，由細到大，都會去譚公廟拜一拜，今年就搵埋相機，影吓相。