17小時粟米包

第四堂最後一個包，粟米包，好簡粟米味!

中種:
高筋粉 70% 175g
水 40% 100g
鮮酵母 2% 5g
海鹽 1% 2.5g
脫脂奶粉 2% 5g

中種做法:
在一天前先將酵母溶於水，再加入筋粉、鹽、脫脂奶粉搓至柔滑，放雪柜17小時。

麵團:
高筋粉 30% 75g
粟米汁 (超甜粟米拆衣以攪伴機攪碎) 30% 75g
鮮酵母 1% 2.5g
海鹽 1% 2.5g
砂糖 12% 30g
無鹽牛油 7% 17.5g
罐頭粟米粒 35% 88g

做法:
(1) 將中種切成小塊
(2) 將麵團所有材料(除牛油、粟米粒)混合，搓，中途將中種遂小加入，搓至柔滑，加牛油再搓至有筋膜。
(3)發酵大約25-30分鐘
(4) 排氣，按扁，拉成長方，靜置20分鐘讓麵團鬆馳
(5) 將麵團擀簿成長方形，切成不規則大塊，篩上麵粉/粟米粉，用膠紙蓋好。
(6) 最後發酵約25分鐘，入200度爐焗約14 分鐘。

17小時油浸半乾番茄包

第4堂，好簡單，因為大多數都你佢做埋，齋睇，好快上完。

中種:
高筋粉 70% 175g
水 40% 100g
鮮酵母 2% 5g
海鹽 1% 2.5g
脫脂奶粉 2% 5g

中種做法:
在一天前先將酵母溶於水，再加入筋粉、鹽、脫脂奶粉搓至柔滑，放雪柜17小時。

麵團:
高筋粉 30% 75g
奶粉 2% 5g
水 29% 100g
鮮酵母 1% 2.5g
海鹽 0.8% 2g
砂糖 12% 30g
蜜糖 4% 10g
蛋 2% 5g
無鹽牛油 8% 20g
罐頭去皮番茄 16% 40g
茄糕 20% 50g
油浸半乾番茄 20% 50g
黑椒碎 少量
雜香草 少量

做法:
(1) 將中種切成小塊，油浸半乾番茄切粒，去皮番茄隔去汁液待用。
(2) 將麵團所有材料(除油浸半乾番茄)混合，搓，中途將中種遂小加入，搓至柔滑，加油浸半乾番茄再搓至有筋膜。
(3)發酵大約25-30分鐘
(4) 分成2分，排氣，滾圓，靜置20分鐘讓麵團鬆馳
(5) 將麵團按扁排氣，捲成欖核形。
(6) 最後發酵約45分鐘，發大至兩倍，噴上少少水，篩上黑麥粉，用刀片界上花紋，入爐焗約20-24 分鐘。

旺角好味牛筋腩麵

收工跟同事去旺角買行山鞋，行行下，被樂園既牛腩香味吸引，忍唔住，要入去食番碗，30幾蚊一碗牛筋腩麵，好香好味又好抵。

食完，仲去了come on買嘢飲，大大杯，好飽!

今日行程尾站買行山鞋，成仟蚊，好貴!

斯佩耳特小麥包(可做兩個)

第三堂做兩種包，除吐司，第二個包係小麥包，都係好香軟。

中種:
高筋粉 70% 175g
水 40% 100g
鮮酵母 2% 5g
海鹽 1% 2.5g
脫脂奶粉 2% 5g

中種做法:
在一天前先將酵母溶於水，再加入筋粉、鹽、脫脂奶粉搓至柔滑，放雪柜17小時。

麵團:
 斯佩耳特小麥粉(Spelt Flour) 30% 75g
水 28% 70g
鮮酵母 1% 2.5g
海鹽 1% 2.5g
砂糖 10% 25g
無鹽牛油 8% 20g
麥芽精 2% 5g

做法:
(1) 將中種切成小塊
(2) 將麵團所有材料(除牛油)混合，搓，中途將中種遂小加入，搓至柔滑，加牛油再搓至有筋膜。
(3)發酵大約25-30分鐘
(4) 分成2分，排氣，按扁，滾圓，靜置20分鐘讓麵團鬆馳
(5) 將麵團滾圓，放入篩上麵粉的發酵籃，用膠紙蓋好。
(6) 最後發酵約45分鐘，發起至八成滿，倒出，界花，入200度爐焗約35-40 分鐘。

中種低溫冷藏法(17小時白吐司)

第三堂，做吐司，超鬆軟好味!

中種:
高筋粉 70% 240g
水 40% 137g
鮮酵母 2% 7g
海鹽 1% 3.5g
脫脂奶粉 2% 7g

中種做法:
在一天前先將酵母溶於水，再加入筋粉、鹽、脫脂奶粉搓至柔滑，放雪柜17小時。

麵團:
高筋粉 30% 103g
水 29% 100g
鮮酵母 0.5% 1.5g
海鹽 1% 3.5g
砂糖 10% 34.5g
無鹽牛油 7% 24g

做法:
(1) 將中種切成小塊
(2) 將麵團所有材料(除牛油)混合，搓，中途將中種遂小加入，搓至柔滑，加牛油再搓至有筋膜。
(3)發酵大約25-30分鐘
(4) 分成3分，排氣，按扁，捲成條狀，靜置20分鐘讓麵團鬆馳
(5) 將麵團擀簿成長方形，兩邊向內摺起，再擀簿，寬度與吐司模相若。捲起後放入吐司模，不要把蓋全蓋上，用膠紙蓋好。
(6) 最後發酵約45分鐘，發起至八成滿，把蓋蓋上，入爐焗約35-40 分鐘。

一杯

約了朋友去觀塘晚飯，今次去APM一杯食日本菜，一杯環境幾特別，全餐廳分為幾區，有吧枱、鐵板燒及普通用餐區。

一杯關西燒 ($58) - 之前見到一些食評相，幾相好似好好味，見到就想食那種。但可惜，味道不錯，喜歡它的餡料有牛筋，可是它的皮太厚，太'漏'，好在內裡的餡大部份是菜，否則，吃一個關西燒就不下其它菜式了。

蟹肉忌廉($48) - 大大個，炸得很脆，很香口，忌廉滑，配上沙律醬，好味!

燒牛舌($35/串) - 超好味，少少鹹，燒得惹味，不乾身，仲有少少juicy，不韌，很爽口，推介!

雞肉明太子($22/串) - 原本一串沒特別的雞肉串，加上面頭多多的沙律醬，味道立即升華。

洋風白身魚沙律($86) - 全晚最好味的一道菜，魚爽口，加上酸酸地的醬汁，很開胃。

海鹽荔枝梳打($35) - 加了鹽的一杯飲品，少少鹹，減少了甜味，鹽另到荔枝味突出，很好飲的一杯特飲。

跟朋友講開，大家都不約而同開始寫open rice，因為大家都覺的人家有的免費試食，自己就要比錢食，太不公平啦!

再戰一樓火鍋+冰涷甜品

前同事生日，約去大坑打邊爐，又去一樓火鍋，今次冇生日7折，但依然好味!

食完再去小甜谷食甜品，叫了兩個好好味鉋凍，好凍呀!

超彈魚麵

行完山，出返去元朗又新街嗰頭晚飯，同事話香港魚旦王既魚麵好正，就即管去試一試。叫了一個黑椒牛丸魚麵，湯底有啲淡，但個魚麵就真係冇介紹錯，真係好彈，好似食緊一大碗魚旦，係條狀魚旦，淡淡彈牙，入到元朗可以一試。

行山日(烏蛟騰-三亞灣(印洲塘海岸公園)-荔枝窩-谷埔-鹿頸)

講咗好耐去烏蛟騰，終於夾好日子起行，同同事一早去到大埔，原本想坐假日特別班次既綠van20C去烏蛟騰，點知下班車要等成個幾鐘，結果坐去大美篤然後坐的士入烏蛟騰。

烏蛟騰至鹿頸路線屬5星級，因為是山谷，所以好多時間往下行，又間水，有石路，其實好幾易行，係後尾辛苦啲，由早上十點出發，中途開turbo行，都要五點先出到鹿頸，好攰。

中途到去三亞村午飯，因為中途餐廳不多，個個行山人士都喺啲間飯店午餐，超多人，叫了食物等了好耐，食午飯都食咗成兩粒鐘，不過都好味，貴錢就.....獨市，一定貴啲啦。

成條路線，風景都好靚，紅樹林、印洲塘海岸公園都好靚，部份陽光被擋住，部份照落地下，好有叢林magic moment既感覺，相比下，鹿頸就比較冇咁吸了。

出到鹿頸，又喺露天士多抖一抖，來個西多士，滿足。

回程，行到出小巴站，超長龍，小巴半小時一班，等了個半鐘先上到車，出到大埔成8點。

Made in HK

收工要去觀堂學整麵包，上堂前，去APM搵嘢食，行咗幾個圈，都唔知食咩好，最後都係去咗Made in HK，選它都係因為景裝修唔錯，環境幾好，餐廳格局，茶餐廳食物，但不是茶餐廳價錢。想了好耐，都係簡單要個羅宋湯通粉加熱coffee，羅宋湯不夠濃，做不到茶餐廳水準，但又貴過茶餐廳，又是一間食裝修的餐廳。

有餡包(吞拿魚包，芝士包)

今堂學整有餡包，加入老麵令麵團更加鬆、香。老麵是發酵時間長的麵團，有少少酒香味，所以做出的麵包會香啲。

麵團:
高筋粉 100% 250g
脫脂奶粉 3% 7.5g
鹽 2% 5g
鮮酵母 3% 7.5g
砂糖 15% 37.5g
蛋 10% 25g
水 60% 150g
老麵 20% 50g
無鹽牛油 10% 25g

老麵:
高筋粉 250g
水 160g
鮮酵母 6g
鹽 1g

老麵做法:
(1) 將以上材料搓成麵團後在室溫發酵至少3-4小時，或把它放在雪柜任它發十多小時，然後分割滾圓，冷凍保存，用時預先拿出來室溫解凍。

餡料:
罐頭吞拿魚 適量
炒香洋蔥 適量
罐頭粟米 適量
沙律醬 適量
海鹽 適量
黑椒 適量

大隆芝士 適量
巴馬臣芝士 適量

做法:
(1) 除牛油外，其它材料拌勻搓至起筋，加入牛油，搓至光滑
(2) 第一次發酵
(3) 分割粉團至8份
(4) 將麵團滾圓後讓它鬆弛約15分鐘
(5) 拍扁麵團，重覆滾圓動作，包入餡料，做成圓/欖形餐包
(6) 最後發酵約20-30分鐘
(7) 塗蛋水及作最後裝飾，放入180度焗爐焗12分鐘

富臨任食火煱

同事收工話一齊去食飯，見收工冇嘢做，就跟埋去，去到旺角，想食嗰間冇開，次選嗰間又多人，最後去了富臨打邊爐。

通常任飲任食的火煱，湯底、食物質素都比較差。所以今次都沒有要求，湯底不會好鮮味，食物亦是普通，肥牛超肥，環景衛生亦不是好，枱面火煱爐仍然見到上幾手留下的餸菜。唯一好的地方是不漏單，食物份量很足，同埋好平，平均$130一個人，可以食到好飽!

早餐車仔麵

早餐又去大坑，原本想食粥，但人太多，去了對面源品食車仔麵，餐牌寫住有五十年歷史，見人人入去都係食車仔麵，又試一試先。我點咗午餐肉，豬紅，魚旦米粉。朋友點了豬皮，豬紅，魷魚同油麵，源記最突別係車仔麵冇湯，即係車仔撈麵。餸大大份，我冇要咖哩魚旦，所以魚旦比較淡，其它幾好，午餐肉一定唔會出錯，仲要係厚切，又煎到得香口，正。個人認為撈米麻麻，撈油麵應該會好味啲，加埋奶茶，一個好開始!

白餐包

一直都想學整麵包，想學點搓粉。見到雜誌介紹Donna Dolce有麵包堂，獨角仙教，就報了名，初班四堂，$2200，都幾貴，不過如果好食好得既都值既。

麵包初班第一堂教基本白餐包，正合我心意，由基本學起。

麵團:
高筋粉 100% 250g
海鹽 2% 5g
鮮酵母 3% 7.5g (如用乾酵母份量減半，如用instant yeast即溶酵母份量只用1/3)
砂糖 10% 25g
脫脂奶粉 3% 7.5g
蛋 10% 25g
水 55% 137.5g (可以奶代替)
無鹽牛油 10% 25g

做法:

(1) 除牛油外，所有材料混合搓至起筋，加入牛油搓至麵團光滑，有簿膜，整個過程要在15分鐘內完成。將麵團放在大碗內蓋上保鮮紙，作第一次發酵(第一次發酵約45分鐘，保持溫度在23-30度，當麵團發大至2倍，可測試麵團。食指沾少少麵粉，慢慢戳入麵團中，如麵團發酵適當，指孔不會收縮。如發酵不足，指孔會迅速收縮，若戳下時整個麵團洩氣、收縮，便是發酵過度。)

(2)第一次發酵完成後，把麵團刮出來，拍一拍稍為按出空氣，秤重，將麵團平均分成8份。然後將麵團滾圓，讓麵團鬆弛約15分鐘。

(3)做形，把麵團拍一拍，滾圓做出圓形/欖形餐包。

(4)作最後發酵，約30分鐘，完成後麵團發大約一倍。

(5)作最後裝飾(如塗上蛋水、灑上芝麻等)，放入已180度焗爐焗約12-15分鐘。

Business Trip

超低能，今日公司派我上汕頭睇廠，之前已一早睇過回鄉證15年先夠期，但去到關口，再攞張回鄉證出嚟，原來喺13年7月已過期，當堂呆咗，好彩原來可以即場辨一次性簽證，但要收錢，一聽到要收錢，我又開始驚唔夠錢，因為私家車由判頭預備，去到當地午餐又係判頭包，即日來回，冇諗過要用錢，身上只有一張五佰元港紙同二佰元人民幣，做證要480蚊人民幣，海關人員話500蚊港紙當380蚊人民幣，就係咁，我身上既錢所剩無幾，好彩回程路上冇特發事，如果唔係真係唔緊錢由汕頭返香港，張通行證會成為今次business trip既紀念品，記低今次咁低b。

足足12個鐘，返到香港，已晚上8點半，去旺角築地食了一個黑蒜油拉麫，好黑，似墨汁多啲，少了蒜香味。麫質比較硬，但都好味。