和民

約咗個幾年冇見既舊同事，去和民晚飯。太耐冇見，今晚都唔志在食，不過的確和民又真係一個約舊朋友見面好地方，食物唔貴，又唔會難食，一定有嘢岩食，今次，個雞翼幾好味!

一樓火煱

 

 

入大坑食火煱生日飯，全間餐廳冇人，可能因為咁，所以好多折頭，生日有折，facebook打咭送汽水，好抵，叫到成枱嘢食，都係200蚊到，仲要係好好味架，好食過出面既火煱店好多呀。

鵝頸橋榮記

成班同事去榮記，叫到成枱餸，埋單赫親，每人都係80幾蚊，好平又好味，仲要食都好飽!

Greyhound Cafe

又一餐生日飯，本來諗住去麗嘉食high tea，冇位，去咗海港城食過江龍泰菜。招牌脆炸單骨雞翼、lemon tea、Noodle with Thai Braised Beef同柚子沙律。lemon tea特別在啲冰係用茶做，溶咗杯茶唔會變淡。招牌雞翼都好味。食完晚餐，仲去咗食日式甜品添。

好樂滿日式燒烤

同事同我慶祝生日，去登龍街食日式燒烤，好樂滿出名食內臟，我哋咩都叫，食咗咩落肚，真係唔知，不過好好味，最唔好係限時兩小時，食到趕頭趕命。

Picasso

今日約咗朋友去睇Picasso，細過都覺得Picasso啲畫好靚，但你問我識唔識睇畫，我唔識，不過難得喺香港展覽，點都要去欣賞一吓。

睇完，出返香港tea一tea，經典茶餐廳炸著條，正，仲有生日禮物收。多謝!

法式牛扒屋

第三日同朋友慶祝生日。今晚去開咗好耐又想食好耐既餐廳，頭盆有鵝肝呀，牛扒又ok，又收到生日禮物，係我聖誕已想買既i phone case。多謝。

Bubbles Sushi

同事請我食生日飯，全程唔知食咩，淨係講咗地址我知，去到原來食放題，叫到一張枱放唔晒，食到好飽，仲有個生日蛋糕，好靚，多謝你哋既安排呀。

Cheesess

屋企人同我慶祝生日，我去咗買柚子cheese cake，清清地又唔太甜，幾好。仲有媽媽整既晚餐。生日快樂呀。

廣州兩天遊 (2-3 JUN 2012)

朋友說沒有去過廣州，想到廣州玩一玩，我就與她來過兩天遊。這次，在香港直通車北上，一去到立即到酒店check in，這次住近海珠廣場，方便shopping
。第一站，去泮溪酒家來個廣式點心午餐，唉，一點都不好味!



之後，坐了$40的士到位於天河區員村四橫路我紅專廠，看看由廢棄工廠變成的藝術基地。一下車，下大雨，在四週行了一個圈，沒人、沒東西好看，沒有藝術品、沒有鯪魚廠留下的任何都西，被搵笨了?


然後，立即坐的士離開到廣州塔避一避雨。塔沒有上，只在四週逛逛，就帶了朋友回海珠廣場shopping，朋友像大發現一樣，買了很多很多，家居用品太美了。




回酒店放下戰利品，就去拍一拍珠海橋，然後就到位於珠海區的太古倉碼頭，坐地鐵於沙園站下車，由B出口到金沙路，步行15分鐘就到。那處是英商太古洋行於1904年至1908年建成，雜誌說到是中國板小樽，去到，當然不是那回事，但都美的。



雜開太古倉，已九時有多，還未晚飯，累死了，趕出去越秀區的北京路步行街(地鐵於公園前站下車)，來過八珍餃子，$6十隻，非常好味!


有了些少體力之後，就到隔離的歌莉亞225頂樓飲杯凍飲抖一抖。歌莉亞是廣州新品牌時裝，簡直就是B仔記Concept Store的老翻。建築物有5層，1樓為陽光花園，2樓為花店，3樓為展覽場館，主打本地藝術家作品，4樓是另一個展覽場地，當日就舉行有關墨西哥的展覽，頂樓是bEnsHoP+的Cafe。


坐至人家關門，我們又回北京路，一間蔡欄都讚好的腸粉店吃個豬潤腸，$6一碟，好平，但不是真的那樣好味。


第二天，到酒店隔離一間路邊酒家飲茶，在廣州最好味的一餐。


餐後到沙面影相，沙面於1861年鴉片戰爭後成為英、法租界，所以那處有很多巴洛克式、仿哥德式的建築物，很歐陸，很美!



到其中一間於英法式建築內的Coffee Shop飲杯茶，就出去長壽路附近的陳添記食魚皮，一直以為是炸魚皮，原來是爽魚片，是好味的，但我個人口味不太好爽魚片呢。


最後，朋友又到海珠廣場作最後衝次，又買了很多東西，一個小喼去，幾大袋返香港。最後在火車站都要來個永和豆漿和油條。廣州，其實並沒有太多好味的東西，已不太吸引了。

Mo bar @ Landmark 文華

做完Site Visit，同上司去咗Mo Bar Happy Hour，地方雖細，但service好，同鐘意佢不停refill nuts。係放工後一個好去處。