布吉5天遊(Day 5) - 27 - 31 Aug 2011

最後一日，又去Patong Beach行吓，今次終於見到人氣啦，沙灘椅，太陽傘出晒嚟!


午餐，去咗Pum Tai Restaurant & Cooking Class School，冇時間去學泰菜，唯有喺度食個lunch，味道好住家feel!

出到機場，做個腳底按摩，就上機返香港啦，布吉，應該唔會再嚟啦!

 

 

布吉5天遊(Day 4) - 27 - 31 Aug 2011

第4天，太陽出來了!今日join咗tour出海去PP島。7:45am酒店集合，去到碼頭，陽光普照，咁樣先似布吉嘛!

上船，第一站，去Maya Bay，嗰度係The Beach迷幻沙灘拍攝場地，所以超多人，個灘細，插針都插唔入!


跟住，上船去Viking Cave，遠觀燕子洞，再去Monkey Bay，困為水漲，冇咗個灘，只見幾隻monkey喺樹同石爬來爬去。


跟住，船停喺Loh Samah Bay比我哋玩snorkelling，第一次玩snorkelling，好驚!但水底真係好靚!

然後，去 Phi Phi Don Lunch，冇胃口，只係食咗少少意粉!


午飯後，去鳥蛋島Khai Nok Island，水好靚，好多魚呀。個團時間真係好趕，喺個島留2個幾鐘又要走，影吓相，玩吓魚，食吓生果，都未有時間游水同snorkelling又要走!不過比到一日陽光與海灘我都已經lucky，我以為5日都落大雨架!




返到酒店梳洗，仲比我見到日落!


入夜，去咗Savoey Restaurant晚餐，又叫冬蔭功，仲有菜，炸蟹球、咖哩等，好味!


之後，又四圍行，去咗Banana Pub & Discotheque，比咗錢入場，搵苯!得幾個人，個舞池冇人!未見過Disco冇人囉!坐到1:00都冇人，唯有返酒店!

布吉5天遊(Day 3) - 27-31 Aug 2011

第三日，搭shuttle去咗Phuket Town，喺個shopping mall行咗一朝，食埋lunch。



出返Patong，搵地方做spa，去咗幾間，唔係冇電就係full咗，結果去咗喺Amari Coral Beach Resort裡面既Sivara Spa，完本都係full晒，但我地買個貴package，佢又可以有時間比我哋做。未夠鐘，去咗酒店既長堤飲嘢，有太陽呀!


嗰度環境一流，喺啲建在小山丘上既泰式涼亭聽住海浪聲，雀仔叫聲做spa，仲要徐晒衫，真係好回歸大自然，好似去咗天體沙灘，好好好唔慣。做4個鐘，要成仟蚊，包saunna，massage，facial同磨沙，喺咁靚既環境，都ok既!


做完都天黑，去咗White box dinner，又係一間臨海浪漫玻璃屋，聽住海浪聲fine dining，今晚叫咗個set，有鵝肝，牛扒，紅酒，甜品。幾伯蚊一位，如果喺香港，一定唔止啲個價。

布吉5天遊(Day 2) - 27- 31 Aug 2011

第二日，食食吓早餐，落大雨...........唉!



喺酒店坐到成11:00點幾，雨未停過，我哋決定落去行吓商場都好。Hotel Shuttle停Patong Beach，一落車，嘩，好似打8號風球咁!Where is my sunshine!!!!!


冇地方去，唯有搵食，Lunch去咗3 Spices，屬酒店餐廳，但面向路邊，好feel。叫咗咖哩魚、炒雞柳、炸薯條、冬蔭功。好好味!


食完去supermarket買手信，見停雨，又行番去Patong Beach行吓，水退，個Beach好大。行得攰，又有啲唔舒服，去咗腳低按摩relax relax!



按摩完，又落雨。唯有又係搵食避雨!晚餐去咗Baan Rim Pa。雜誌話正宗泰皇口味，被選為最佳泰菜餐廳。環境一流，fine dining燭光晚餐格局，喺海邊，聽住海浪聲晚餐，正。如果有個靚仔同我一齊食，仲正!

http://www.baanrimpa.com/

我哋叫咗串燒，好唔得，點解唔係燒，而係烚?辣肉碎，好辣!冬蔭功，好味!甜品芒果糯米飯，好味!


之後，行上少少，去咗Jor's Downstairs飲嘢，又係一間海邊餐廳，但風格完全唔同，白色小屋，落一條樓梯先到，型!

http://www.baanrimpa.com/seaside-restaurant/

布吉5天遊 (Day 1) - 27-31 Aug 2011

 

同一個失散多年既朋友去布吉，搭泰航，住Patong Blue Marine Hotel，一落機，落雨。唯有留喺酒店做spa。我咁大個女都係第一次，揀咗package，首先有steam & sauna，之後有massage，最後有杯Herbal Drink，兩個鐘，2500 Baht，好舒服，訓著咗，但真係唔慣徐晒衫比人按。

之後，落咗去Patong搵嘢食，等一晚，唔知食咩好，見有人地方就入去，食咗蝦蟹菜，又好平喎，食完又落大雨，行雷閃電打大風，仲有啲凍，我係咪去錯地方?



食完飯，去咗酒吧街，好多人妖，叫咗杯cocktail，冇酒味，超甜，比人搵笨!

花園餐廳

去完海洋公園10幾，去咗銅鑼灣花園餐廳晚飯，差唔多last order，叫了中學時最愛的鐵板牛扒。好有返學feel呀。

夜遊海洋公園

海洋公園做特價，在facebook like 一 like，就可以$100入場玩夜場，新遊戲就不敢玩啦，舊遊戲過山車、海盜船都不敢玩，但比朋友夾上車/船，又真係其實不是太驚。一直自己嚇自己。

新森林焗之專門店

又約舊同事食飯，唔想食咁貴，平平地又未食過，所以試吓。都係一個好普通一個焗飯，返工食過快飯，ok既!

泰潮

陪同事去深水步買電腦，很到全場收鋪先買到，真係就快悶死，鬼死咁肚餓，10點幾，先出去晚飯，泰國嘢，可能太餓，幾好味喎。

唐閣

家姐請去唐閣飲茶，酒店中餐，好靜，啲嘢細細件，煎腸粉好得，蛋撻好味，不過好食，可惜食唔飽，哈哈!

牛角

遊完船河，要補充體力。去咗LCX裡面既牛角。未夠五點，都要等成3個字，唔怪得平時排長龍啦。食物方面，味道係好呀。

南風灣游船河

舊同事既舊同事搞船河，叫我去，我又叫我啲朋友仔去。今日目的地南風灣。我游咗上島坐咗一陣，唔去船河都唔知舊同事游水咁鬼夠氣。返到屋企先發現晒到個頭頂紅晒，依家好驚會甩頭髮阿!

Linguini Fini

今日我上司開會時比阿姐激親，所以叫埋佢同舊同事食個午飯開心吓。啲間餐廳新開冇耐，冇得訂位，又要人齊先入得。等到有位又要食到趕項趕命。Linguini Fini主打紐約style意大利菜，叫咗pizza，意粉咁，好飽。返到公司，上司都係決定resign，唉!

巨峄提子

去SOGO，買咗盒巨峄提子，自己以前食過，媽媽未食過，買盒比佢試，真係好好味架，汁甜肉爽，大陸提子無得比啦，貴係值既。