布吉5天遊(Day 2) - 27- 31 Aug 2011

第二日，食食吓早餐，落大雨...........唉!



喺酒店坐到成11:00點幾，雨未停過，我哋決定落去行吓商場都好。Hotel Shuttle停Patong Beach，一落車，嘩，好似打8號風球咁!Where is my sunshine!!!!!


冇地方去，唯有搵食，Lunch去咗3 Spices，屬酒店餐廳，但面向路邊，好feel。叫咗咖哩魚、炒雞柳、炸薯條、冬蔭功。好好味!


食完去supermarket買手信，見停雨，又行番去Patong Beach行吓，水退，個Beach好大。行得攰，又有啲唔舒服，去咗腳低按摩relax relax!



按摩完，又落雨。唯有又係搵食避雨!晚餐去咗Baan Rim Pa。雜誌話正宗泰皇口味，被選為最佳泰菜餐廳。環境一流，fine dining燭光晚餐格局，喺海邊，聽住海浪聲晚餐，正。如果有個靚仔同我一齊食，仲正!

http://www.baanrimpa.com/

我哋叫咗串燒，好唔得，點解唔係燒，而係烚?辣肉碎，好辣!冬蔭功，好味!甜品芒果糯米飯，好味!


之後，行上少少，去咗Jor's Downstairs飲嘢，又係一間海邊餐廳，但風格完全唔同，白色小屋，落一條樓梯先到，型!

http://www.baanrimpa.com/seaside-restaurant/