世界之山雞翼

約咗好耐冇見既朋友食飯，帶佢去咗名古屋世界之山食出名既夢幻雞翼，仲叫了少鳥冬，蛋卷又有甜品紅豆蛋糕同番薯雪糕，一間不錯的餐廳，價錢又唔貴。食完飯，仲去咗飲嘢。

綠色可樂

環保，可樂都要綠色，低卡路里，，89cal,不用人工甜味，改用提煉自植物的甜菊糖，sell天然糖份。

Marks & Spencer Cafe

新開馬莎cafe，講真，齋飲好過食，行得攰，啲度都好好坐既，但食就嘛嘛，個焗薯真係唔多得!

南瓜甜品

Italian Tomato好可愛的哈佬喂南瓜甜品!

Thomas Trillion

去天后買個想試好耐既蛋糕，叫Rosenana，成件藝術品咁，$48，好貴，又係得個樣，不是神級美味!

韓燒午餐

Open rice啲comment話韓雅林好味，今日帶阿媽來個生日午餐，叫了兩個set lunch，好普通，阿媽話日本燒肉好味啲喎!

唔黐線唔正常

今年冇咁好笑!洗燥好笑啲!

B仔記鮮奶

Agnes B x 維記鮮奶!Good Morning!

不用排隊的新麻浦韓燒

啲期與韓燒，可能佔中關係，銅鑼灣冇咩人，連新開既新麻浦都唔洗排隊，兩個人叫了個set，望落好似好少，但好飽，比起其他韓燒，佢又真係幾好味，特別之處係個爐邊可以燒蛋餅。食到好飽都要來個出名甜品，好奶呀。

回程

晚上零晨機，返到香港都係早上8點幾。

終於去過印度，四大文明古國之一，古蹟當然精彩，但當地既人亦都吸引。印度比我既感覺係一個好彩色既國家，啲衫既色撞色得嚟又幾靚。通街都係動物，8日就見過雞、牛、豬、野豬、山羊、綿羊、孔雀、大象、駱駱、蛇、松鼠、狗、馬，係冇見過貓。周地垃圾，牛羊食垃圾，人又執垃圾。又見識過印度人奇技，車頂坐人同火車頂坐人。亦見到兩個豪華婚禮同兩個喪禮。印度人對外國人好奇，去到邊都有人要求同我影相，好似做咗明星咁，原來我喺印度好有market!如果可以去埋我好想去既恆河就好啦!

 

德里 - 加德古塔Qutb Minar - 印度門India Gate

最後一日在印度，早餐後出發去德里，去到德里差不多中午時份，沿途導遊在車上sell印度手信，買了茶葉，Masala Tea，咖哩粉，仲見識到印度神油，好臭。

德里第一站是加德古塔Qutb Minar，加德古塔建築群位於德里市郊，乃伊斯蘭教徒入主德里後於1193年開始分階段興建，在1386最後完工。加德古塔高 72.5 米，塔共分五層，由紅砂石和大理石建成，塔頂部於 1803 的地震損壞。除古塔外，建築群還有一些神廟、墳墓遺址和一根據說只要能雙手環抱便能願望達成的千年鐵柱。

 加德古塔完全係影個人profile pic既好地方，可惜時間有限，如果唔係真係有排影。

中午飯後，去印度門India Gate，印度門位於新德里的中心地帶，它是新德里的地標，也是印度最大的戰爭紀念碑。它與總統府和國會大廈等國家政府建築遙遙相望，中間是一條長達幾公里的主權大道。印度門是為紀念在第一次世界大戰陣亡中的印度將士而建成。成個廣場到是人，又時影人的好時候!

之後就坐住車睇國會大樓，成個天都係烏鴉，好似拍恐佈片咁!

仲有時間，導遊豪一個行程比團友，就係行印度shopping mall，原來印度都有牌，shopping mall同香港賣的差不多，我哋仲去McDonald's食包，冇牛賣的McDonald's，只賣包，Masala Chicken，好味!喺商場仲買咗條印度裙比自己。

行完商場，去晚飯，不再是印度咖哩，是中國餐，仲比我哋見到印度中結婚，好大陣仗!

亞格拉Agra - 泰姬陵 Tajmahal - 亞格拉堡Agra Fort

來到亞格拉已經是中午時份，去酒店食個午餐，就去泰姬陵。

適逢濕婆神老婆生日，印度人放4天假，泰姬陵迫滿印度人，離集合時間40分鐘，跑住想入泰姬陵內裡參觀，但人龍圍住泰姬陵一個圈，冇可能在有限時間入去參，曾經好衰咁想洗出強國人絕招插隊，但印度人可能比人插得隊多，佢哋排隊居然係人貼人，手都插唔入。就喺啲個時候，突然有個印度人叫我，佢自稱係嗰度既guide，話我哋係外國遊客買貴飛(貴飛包腳套同一支泰姬水，所以著住腳套既一睇就知係買咗貴飛)唔洗排隊，我問佢，你係咪要收錢，佢話唔洗，我半信半疑，佢見我好似唔信佢，就係咁講你信我啦，心諗橫掂排隊都入唔到，就信佢一次跟咗佢行，去到門口，門口個實Q欄咗我哋，佢哋係咁講印度話，個實Q想睇飛，我心諗死啦，張飛比導遊收咗，冇飛在身，經過一輪印度話之後，又比我入喎，之後個guide在門口同我講byebye，真係唔洗錢喎，真好彩!
講返泰姬陵歷史，泰姬陵位於亞格拉亞穆納河（Yamuna River）畔，是蒙兀兒帝國第五位君主沙賈汗（Shah Jahan）為紀念其愛妃 Mumtaz Mahal 的愛情建築。
少年沙賈汗王子在一個皇室舞會中邂逅上首相女兒 Arjumand Banu，被她深深吸引。不久他倆便結了婚，在婚禮上皇帝賜給新娘子一個名字 Mumtaz Mahal，意思是「皇宮之光」，後人常把這名字簡稱為泰姬。
泰姬聰穎賢慧、明艷動人，婚後甚得沙賈汗歡心。可是泰姬並沒有因此而恃寵生驕，反而隨同夫君征戰沙場。夫妻兩人十分恩愛，在十九年的婚姻生活中，共誕下十四名孩子，可惜就在要誕下第十五名孩子時不幸難產而死。泰姬臨終前要求皇帝終生不再娶和為她蓋一座陵墓，皇帝一一答應，並且其後都全部實現。
泰姬陵始建於 1631 年，沙賈汗從國內外找來頂尖的建築師和工匹，動員兩萬工人，歷時22年，耗盡國庫金銀財帛，方可完成。

最後，又是自費的行程，遊覽亞格拉堡Agra Fort(US$15)。亞格拉堡座落亞穆納河畔，亞格拉堡城牆長達 2.5公里，城牆高約 27公尺，全部採用紅色沙岩砌成，又稱紅堡，與泰姬陵相隔少於兩公里，由第三代蒙兀兒國王建造。堡壘處處隱藏著防衛設計。例如﹕入口的斜坡、城牆上投擲石彈的開孔，目的都是為了抵禦敵人入侵。在亞格拉堡，可以看出阿克巴大帝建造的門扉，採用印度明特珠有的紅色砂岩，樣式粗獷但氣勢雄偉。
沙賈汗本打算在建成泰姬陵後，再為自己建一座相同、但以黑色大理石建造的陵墓，再將兩座陵墓以石橋相連。可惜，兒子於其晚年篡位奪權，並將他囚禁於阿格拉堡內至死。後來，據說在女兒力爭下，才把他的遺體放在妻子遺體旁邊。

勝利宮fatehpur sikri

來到第六天，離開齋浦爾往亞格拉途中，會經過勝利宮。於1573年，皇帝打了一場大勝仗，並在此地誕下兒子，所以在此地建一坐皇宮並將宮殿名為勝利宮。宮殿建成後的 15 年間曾是莫臥兒帝國的皇宮，後因缺水而遭廢置。

導遊話此地龍蛇混雜，一定要跟住佢快速遊覽完就要上車，真係好快，快到要跑住影相，我又唔覺好雜，其實勝利宮好靚，可以留耐啲就好。

齋浦爾Jaipur 的下午

下午，開始自費的市內觀光(US$25)，第一站是Birla Mandir，是一間印度教寺廟，是用最好的全纯白色雲石建 造，寺廟在公元1988年 由當地一位非常著名有錢的集團， Birla Group of Industries贊助, 用意恭奉印度神Vishnu (Narayan), 和他配偶Lakshmi, 財富女神. 所以， 也被稱做Shri Lakshmi Narayan Temple。

寺廟待式之處牆上印有各種印度神話的彩色玻璃， 而廟外的柱上會發現有耶穌、孔子、蘇格拉底等人物的塑像。

之後，去了印度女人街，買了生果，畫了HENNA 印度彩繪。

粉紅城市齋浦爾Jaipur

印度有四個「顏色城市」分別「粉紅城市」Jaipur，「藍色城市」Jodhpur ，「白色城市」Udaipur 及「黃金城市」Jaisalmer，行程所限，只可遊覽粉紅城市齋浦爾。1876年, 為了迎接英國威爾斯王子的造訪，齋浦爾王公下令將全城的建築物都漆成了粉紅色，以致有今天「粉紅城市」的稱號。

第五天第一個景點，風之宮（Hawa Mahal）位於 Jaipur 市中心，從街外看是一棟名副其實的「屏風樓」。風之宮是 Jaipur 市內最具代表性的建築物之一，建於 1799 年。牌坊型式的建築物共有 953 個窗口，據說以前是用來供宮中深閨的婦女們偷看外面的花花世界。

第二個景點，位於齋浦爾的琥珀堡（Amber Fort）的建造者是拉賈‧曼辛(Raja Man Singh，1540-1614)，他是阿克巴大帝的幾個得力將領之一，可能因為駐守的緣故，也可能因為得到阿克巴的封賜之故，曼辛在今日距離齋浦爾11公里的地方，蓋了這座防禦的城堡，算是個「土皇帝」。這座十六世紀的城堡依山而築，周圍建有近 40 公里的城牆。

琥珀堡的入口，為一高聳的階梯，登上階梯穿門而入後，就是Diwan-i-Am (公眾大廳)，是臣民都可到來的地方，曼辛在此聽取百姓意見，作施政參考。

中間的庭園是琥珀堡最吸引的部分，Sheesh Mahal / Hall of Mirrors(鏡宮)、Jai Mandir (勝利廳)、Diwan-i-Am (公眾大廳)、Ganesh Pol (象門) 和 Sukh Niwas (歡樂廳) 都位於這部分。鏡宮的牆上鑲有寶石和鏡子砌成的圖案裝飾，是中庭最美的地方。

再進入下一個庭園是古時後宮佳麗的起居部分 (Zenana)，古時國王會到中央的亭子 (Baradari) 跟後宮佳麗相會。在 Zenana 天台可俯瞰琥珀堡四周，亦可遠眺後山上的另一些較小堡壘和環繞琥珀堡的「印度長城」。

遊客要登上琥珀堡，通常都是坐大象，但因為遊覽當日適逢濕婆神老婆生日，所以所有大象要休息，唯有改用吉普車上山。

離開琥珀堡，在山腳看看水上宮殿Lake Palace。

之後，又去睇地氈廠，又係齋睇唔買。

之後，是自費行程(US$20)城市宮殿博物館 City Palace Museum，城市宮殿是1726年拉賈‧沙瓦‧傑‧辛格二世所建。往後陸續修葺擴建，1959 部分開放成為博物館，不過直到今天，王公家族仍住在城市宮殿的私人部分。館內陳列歷代君主的絲質、手染服、樂器、武器、歷代手稿、繪畫、藝術品…等。

食午飯前，去埋古天文台，中午的印度，熱到不得了。

建於 1728 年的古天文台 (Jantar Mantar) ，裡面有大大小小的古代天文儀器，很多到今天仍可運作。古天文台內最大的天文儀器，是一座 27 米高的日晷，憑著測量日影的長度和角度，可棈確計算出時間和朔望、日月蝕等天文現象。還有其中一組儀器是12座用以觀察12個星座星體的觀星儀。
當日正值中午12時，氣溫36度，萬里無雲，亦沒有一處遮陰地方，快溶。沒心情理解每個天文儀如何運作，快速找出屬於自己的雙子星座的觀星儀看看就速逃。