Christmas Lunch

2010年最後一日，同同事食餐好既慶祝，去咗灣仔QRE Plaza既Nino's Cozinha食葡菜，食物ok，service very good，我哋懷疑serve我哋既係老闆，一個好好既Lunch，Merry Christmas!

迎

Family Day，去咗THE ONE 20/F迎飲茶，屬稻香集團，環境靚，食物唔差!

之後，帶屋企人去南生圍，發現啲爛屋已經比鐵絲網圍起，入唔到去影相啦!

酥皮湯

做法好簡單,買現成急凍酥皮,攤吓佢,然後 'look'薄佢, cut岩size鋪上頂,焗10分鍾左右,裡面你鐘意咩湯都得架

香茅雞翼

材料:

雞中翼 10隻

香茅 1枝

乾蔥 1粒

蒜頭 2粒

油 1湯匙

醃料:

鹽 1/4茶匙

糖 1/2茶匙

五香粉 1/4茶匙

黑胡椒碎 1/4茶匙

魚露 2湯匙

生粉 (後下) 1湯匙

做法:

(1) 雞中翼洗淨，抺乾水分。

(2) 香茅去硬皮後與蒜頭、乾蔥切碎，放入雞翼內與調味料拌勻，後加入油再次拌勻，同醃1小時。

(3) 雞翼洒上生粉。

(4) 燒熱5湯匙油，下雞翼半煎炸至熟透即可。

煙三文魚碎蛋多士

Boxing Day小食，有煙三文魚碎蛋多士，簡單又好味。

材料:

法包

煙三文魚1包

雞蛋3隻

沙律醬適量

香蔥碎少許

做法:

(1) 法包掃上橄欖油，放入180度焗爐焗4分鐘，取出待用。

(2) 雞蛋煲熟切碎，加入沙律醬香蔥拌勻。

(3) 用湯匙將碎蛋沙律鋪在法包上，再用煙三文魚圍邊即成。

 

Penne Carbonara

一年一度Boxing Day 大餐，見屋企有一包長通粉，就煮咗個忌廉汁火腿長通粉，今次用既係馬莎出既Carbonara Sauce，好得，推介!

材料:

火腿 1包 (切條)

長通粉 1包

Carbonara Sauce 1樽

Parmesan Cheese 適量

乾蔥適量

洋蔥適量

橄欖油適量

做法:

(1) 燒滾水，加入鹽及橄欖油，下長通粉煮至軟身。

(2) 燒熱鑊，下橄欖油、乾蔥、洋蔥爆香，加入火腿 及Carbonara Sauce ，煮熱後，加入長通粉拌勻。

(3) 上碟後，灑上Parmesan Cheese 碎即可。

薯仔沙律

平安夜，整咗個薯仔沙律去朋友屋企坐吓，睇吓電視傾吓傾，以前一直整開什果沙律，薯仔沙律都係第一次整，又好好味喎，好有茶餐廳classic既味道。

材料:

薯仔 4個

青蘋果6個

紅蘿蔔 2個

火腿 1罐

洋蔥 1/6個

Mayonnaise 沙律醬 1樽 (大)

煉奶 4、5湯匙

做法:

(1) 薯仔連皮煲熟，待涼後放入雪櫃大約一小時。

(2) 薯仔去皮切粒。

(3) 青蘋果去皮切粒。

(4) 紅蘿蔔煲熟，切粒。火腿切粒。洋蔥 切微粒。

(5)將所有材料放入大碗，加入沙律醬 ，煉奶 。

(6)最後可加熟蛋伴碟。

同事生日lunch

同事生日，去咗中環The Loop 5/F 既Sagrantino Lunch，個湯好麻麻，牛扒，羊仔肉幾特別，個汁真係未食過，同出面餐廳好唔同，新奇又幾好味!

Christmas商場遊

一到Christmas，大小商場一定有好多靚佈置，今日去咗將軍澳新都城同旺角朗豪坊，好靚呀!

Out Focus

喜歡蒙查查感覺，out focus加慢快門，影出嚟既影有另一種味道，我很喜歡!

銀座梅林

同朋友食銀座梅林，都唔係如出面講咁正，食完，又影尖沙咀燈飾，又到聖誕了。

港大男生宿舍

 

 

 

 

誤打誤撞，比我入到去大學堂條旋轉梯，好彩，亦要多謝大學生Seth既幫忙!
我哋一行人坐晒喺大學堂條樓梯欄住條路影相，大學生Seth由大學堂宿舍行出......

大學生Seth: ‘唔好意思!’
我哋就話: ‘係我哋唔好意思就真，欄住咗條路，想問吓，我哋入唔入得裡面?’
大學生: ‘識人就入得。’
我哋就話: ‘我哋咪識你囉，你叫咩名?’
大學生: ‘Seth。’
我哋就話: ‘係咪講你個名就入得?’
大學生: ‘要有人帶入去。’
我哋就話: ‘你趕唔趕時間?可唔可以帶我哋入去?’
大學生: ‘都唔算趕，ok呀!’

入到去……
大學生: ‘佢哋想入嚟睇一睇。’
管理員阿叔話: ‘你會唔會陪埋一齊?’
大學生: ‘唔會，我有事要走先。’
管理員阿叔話: ‘咁你哋就唔可以周圍走，淨係喺啲度影吓相好啦!’
我哋就話: ‘得啦，我哋唔會周圍走，我哋淨係喺條旋轉梯影相得架啦!大學生，真係唔該晒，不如影翻張相先走啦!’
大學生又好好人咁影埋張相先走!

就係咁，我哋一班女生就入咗去男生宿舍!

Crazy X'mas

今年銅鑼灣Time Square聖誕裝飾好靚，好colourful，好開心!

生日Pizza

今個月有兩個同事生日，全office人去SOHO既Brivo Pizza慶祝。

知佢出了名pizza，但見到set lunch有牛，又好想食牛扒，所以order了一個牛扒午餐。結果，當然不是太好味，反而同事order的pizza就很吸引，果然係只出名pizza!

 

Holly Brown

同朋友食完Dragon-i，行得攰，但又飽，去了中環Holly Brown坐，飲杯coffee & tea，好hea!

All you can eat

Dragon-i夜晚係disco，日頭有任食點心，$170幾蚊就可以任食，食客外國人多，我樣樣點心都叫，在一間型格酒吧食點心，型囉。

Sashay Cafe & Wine Bar

一間好歡迎人影相既cafe,有帶相機(手機除外),有88折,有趣!

域多利監獄

今年Detour在域多利監獄舉行，難得入到去影相，當然要去，第一次去監獄，真係覺得鐵窗生涯難涯。