動漫節

第一次去動漫節，cosplay不是我杯茶，都係行吓影吓相，Lego星戰幾靚，最多人，我都有買到嘢，一個小靈精file，同一個lego蛋糕模，忍忍忍!

天神村+小孤燕

暑假又是商場做function既時候，同朋友一連走兩個商場，青衣城同奧港城，有小雲同飄零燕，兩個都係經典。

從梅窩走到愉景灣

本來想去神樂院，從梅窩出發，但落了船行到去山腳起點，落大雨，行雷。結果行程除消，待停了雨，坐街渡去愉景灣，食個Tea，回程，神樂院，下次先啦!

Time Square米奇

Time Square 又有新嘢，Mickey呀!

食玩澳門

同屋企人去澳門，住美高梅，靚靚靚。

去到澳門，首站去路環黑沙海灘，個海灘真係嘛嘛。

午餐去法蘭度餐廳，叫唔到燒豬，叫了燒骨，一樣好味!

之後去路環影吓相，聖方濟各教堂，幾靚，仲食埋安德魯既葡撻。

中午，返酒店游水，最鐘意就係在酒店游水，又大又冇人，自己一個人游晒。

傍晚，出去下環人氣餐廳船屋餐廳晚飯，好好好好味，超好味!

跟住夜遊澳門。

返到酒店，有餘興節目，就係自拍，set腳架，時間掣，真係好好玩。

第二日，去了海旁藝術館，跟住去永利軒飲茶，又係好味的一餐。

之後仲去埋氹仔新開酒店，皇冠同Hard Rock Hotel，食完大利豬扒包同去埋荷蘭園影紅屋，返香港了。

美荷樓

美荷樓最後一次開放日，之後，唔知會拆定改建，真係要入去懷舊一下!舊屋村，喜歡舊感覺的一定喜歡，我就當然喜歡啦!

全港最好味pizza

The Gallery Bar & Restaurant - 估唔到塘褔有間咁正既餐廳，在塘褔村，近路口，之前雜誌介紹話係全港最好味，是真的，啲度既pizza係全香港最好味，可怕太遠，真係好想食多幾次，今之食了個超好味Calabresse Ham Pizza,有羅勒葉,燒紅椒.....辣辣地,好冶味!

塘褔

同朋友去大嶼山第二個海灘，塘褔，冇長沙咁正，亦唔係太靚，差好遠，冇沙灘餐廳，好處係比長沙少人。

Chocolate Choc-chip Cookies

今日三號風球，冇去行街留在家整超濃朱古力味曲奇。

 

材料

麵粉185克

可可粉90克

紅糖300克

牛油180克

朱古力粒150克

雞蛋3隻

朱古力碎粒175克

 

做法

1. 將麵粉和可可粉倒入碗內，放入紅糖攪勻。

2. 將牛油及朱古力粒倒入一小鍋中，開慢火，將其攪拌至完全溶化，然後加入粉團及蛋攪拌，再加入朱古力碎粒攪勻。

3. 預熱焗爐至180度，用湯匙舀粉團至球形，放在焗盤上，略為壓平，然後放入雪櫃約15分鐘。取出，放入焗爐約15分鐘。

 

HKJCCAC

同朋友到石硤尾賽馬會創意藝術中心行一行，嗰度係一間工廠大廈，建作藝術用途，單位出租予藝術者作工作室。其實沒有什麼特別，行到攰，去地下coffee shop飲嘢，啲waiter好好，好有heart，之後行埋GOD，佢以70年代作主題，展示好多60,70年代玩具，用品，全幢大廈，最正係啲度。