小Win手記: 11月 2011

2011年11月25日星期五

今日比個同事搞到好激氣好嬲，因為佢一句唔知，仲要屈我冇通知過佢而令我同我上司比個客鬧。谷鬼氣，收工同舊同事去大喜屋食放題消消氣，四個人，叫咗好多好多嘢食，好誇張呀。

今日打拳前，去拳館樓下間鳥華食雞湯拉麵，豬骨湯拉麵就食得多，雞湯都係第一次食，都唔差，好味，冇豬骨湯咁肥。

放假，朋友幫我整完電腦，一齊去赤柱午餐，又係是旦去咗Rocksalt，貴就一定，但真係未至於好好味，唔係好值啲個價。真係食環境，如果係拖個至愛來食又唔同!

與朋友食飯，我話要去朗廷酒店既Main St. Deli，想試好耐，美式New York Style餐廳，大大份，很喜歡佢大大碟酸瓜任食。點了水牛雞翼、炸洋蔥圈、沙律、pencake、雲吞、漢堡包，好好味，酒店service唔係酒店價錢，推介!

舊同事又轉工，離開中環區，冇得再同我lunch，同佢去咗Frites Belgium on Tap 午餐，叫咗個魚，又幾好味，個甜品係個waiter推介，但就真係麻麻，鬼佬口味，太甜!

阿姐放假，去天下立食壽司叫外賣，又幾低食，不過最哀要自取外賣，好難再幫襯，行咁遠。

11年11月11日，6條1，比一生一世還要多，好多人選啲日結婚，對於我來說，可以同自己好鐘意既人一齊，唔好意頭唔仲要。今日有一個舊同事結婚，未有耐食得，去食個yogurt先，自己'畢'，畢吓畢吓，成60幾蚊，好大杯好飽。

舊同事好有興緻去大拗門放風箏，仲要帶埋佢兩隻狗，我就幫佢啲狗影相，去到以為會冇咩人，點知遇著學生秋季大旅行，兩隻狗吸引啲學生圍觀，成咗狗明星。

收工自己一個，都唔知去邊度食嘢好，求其去咗明珠廣場，叫了個喇沙，一早知啲間麻麻，所以都冇要求啦。

McDonald's又有新嘢，McRib，好味!

放假，舊同事約食飯，去銅鑼灣豚組，因為E先生喜歡，所以想去試一試。一邊食一邊與E先生Whatsapps，好開心。E先生知我食炸豬扒，問我點解仲可以咁slim，原來佢一啲都唔覺我肥，haha。

去試近期好紅既一風堂，又係希望越大失望越大那種，都唔係傳說中咁好味，好彩今次只係等位等咗幾個字，聽聞有人等成粒鐘!

有同事要走，去咗LKF tower Casa Lisboa食一個葡國lunch，set dinner要個出名既燒豬，皮脆但淡咗啲，個甜品揀咗青檸雜果雪笆，酸酸地ok。
百幾蚊一個午飯，環境清靜，算唔錯。