小Win手記: 10月 2011

2011年10月29日星期六

同同事去白石BBQ，第一次燒成隻豬，燒咗幾個鐘﹐都燒唔掂，結果要嗰度啲阿姐幫手先可將隻豬變燒豬，又真係幾好食喎!

打完泰拳，去咗寧記，食過好多次，越食越麻麻，好懷念台灣麻辣火鍋，想起都流口水呀。

同同事去銅鑼灣，平平地，去咗Time Square food court，突然想食餃子，叫咗一個王將晚餐，好好味呀!

行街行得攰，去咗World Trade Mama Mia食個雪糕，石榴味，好清新!

媽媽生日，去cake2 買個靚靚蛋糕比佢，cake2一向做結婚蛋糕，但原來都有啲細size蛋糕賣，做型真係好靚，如果第時有得結婚，我都好想有一個三層高蛋糕呀!

同舊同事lunch，食拉麵，好似好出名，又係唔好食，仲要漏單等鬼死咁耐。

打Tai Boxing前，去亞州家族晚飯，叫了海南雞、炒蘿蔔糕、喇沙，好味，好飽，一陣做sit up死緊!

每年10月西門子都會喺香港酒店辦既啤酒節包場比佢啲客戶玩返晚，今年我第三次去啤酒節，好開心呀，差唔多坐到尾先走，仲食到好飽呀!

阿媽生日，同佢去Ruby Tuseday食飯，好耐冇食過，以前成日食，由其下午茶個烤雞凱撒沙律，真係好好味!

今晚很累，仲要撞正個服務態度超差既伙計，超＂興＂。

打拳前，去咗加路連山道dinner，叫咗兩個set，裝修靚，不過食物都係冇咩特別，但靜靜地，拍拖食飯幾好架!

又約舊同事食飯，又去stanley St. 11號，今之次食烏冬加牛，普通啦。