攻呀攻快搶攻

世界盃又來了，希慎有足球小將，泰萊呀!

大利清湯腩

要去灣仔幫手一日，午飯食自己，見到大利牛腩，好似好出名，入去試吓，40幾蚊一碗，都幾貴，牛腩又唔係好好味，鞋口，好唔掂。

超油拉麫

早排見雜誌介紹已好想試，位於IFC既GOGYO京都拉麫，由日本拉麫大王河原成美創立，GOGYO解作五行，當中招牌拉麫-五行焦香味噌拉麫最吸引我，所以收工就去試吓碗$128麫有幾香。一上枱，見到一層好好好厚既油，湯底黑色，呷一啖湯底，有濃濃的焦香味，燒濃了的香，焦香湯底是因為湯底以300度油溫加上自家味噌醬炒香，整體來說是好味的，但太油了，吃了肚子有點不舒服，以$128這價錢，但又好味不過豚王，賞一次是可以的。

高廸建築展

Time Square又有新嘢，高廸建築展，有紙做的聖家教堂，真係想去西班牙。

海景半自助餐

朋友3月生日，但一直約唔到出嚟食飯，今次終於約到，同佢去北角海逸酒店Le188食自助餐，因為臨近母親節，所以特別貴，$408一位，Lunch Semi-Buffet，入到餐廳，海景超正，枱同枱之間又夠開，好舒服。食物呢，自助餐部份都有ok多選擇，最重要有生蠔，生蠔不錯，都creamy，魚生生鮮，食完頭盆已經飽。主菜點了牛扒，牛扒反而差少少，汁亦不是太好味，牛扒真是好難做得好味。甜品又是一個好難做得好味的一種食物，雪糕會是穩陣之選吧!

朋友剛去了日本，又有日本手信了。多謝!

北京樓

同媽媽去咗太古城飲茶，間間都好多人，見北京樓剛開，走去睇吓，又有位喎，開咗位，發現冇點心紙，原來睇餐牌叫，裝修完高級咗?但選擇少了，今次點了鮑汁雞腳、煎叉燒包、小籠包、棗泥糕，鮑汁雞腳好好味，好香，叉燒包細細件，小籠包普通，有肉汁，都算不錯，棗泥糕麻麻，埋單220幾，都幾貴。唔係冇位都唔會嚟。

辣魚蛋

收工要留低學日文，CS去川婆婆買麻辣麫，麻辣麫就冇我份，但送既辣魚蛋就請咗我食，魚蛋彈牙又夠麻，好味喎。

喜喜

出銅鑼灣行街，未食飯，想食平啲又好味的，想起常餐，就行咗去喜喜食個常餐，有炒蛋，蛋上有蔥，香口，炒得都叫鬆軟，多士塗滿牛油，好正，叉燒有少少肥，是我口味，奶茶幼滑，好豐富，好滿足。