蜜糖燒雞

簡易蜜糖燒雞，有焗爐就得，BBQ風味，正!

材料:
雞一隻

調味:
生抽、老抽適量
蜜糖適量

做法:
1.將雞調味至入味
2.放入焗爐，以230度焗30分鐘
3.取出，掃蜜糖，再焗10分鐘即成

大中華

收工去深水埗買hard disc，放手機，原來依家放機好求其，i phone 4$1300，壞了聽筒，算係咁啦!

行去長沙灣大中華晚飯，雜誌講到咁勁，但其實味道普通，價錢又有啲偏貴，但今晚都好開心。最緊要有得啤一啤。

雪糕蛋糕

我生日阿姐去買蛋糕，佢生日去訂了Island Gourment新出既雪糕蛋糕，有3種口味，今次買了Tosca，用Valrhona70%朱古力製成的芭菲及呍呢嗱雪糕，有macaron同金鑮，雪糕好味，但朱古力勁甜。好果問我，我返而會試車厘子雪芭或芒果雪芭配鹽味雪糕，fresh啲麻!

阿姐生日

阿姐生日，今次去PP既Grappa's，意大利pizza，pasta，都算OK!最緊要阿姐開心，阿姐開心大家都好過啲。

葡萄醬鵝肝多士

行過超市，見到有鵝肝，買了，試試返屋企煎鵝肝，鵝肝的肥，因為有微酸的提子和陳醋，中和了，好味!

材料:
鵝肝1塊
海鹽及麫粉適量
葡萄(去皮開邊)4粒
洋蔥1湯匙
蒜蓉1/2湯匙
陳醋2.5湯匙
黃糖適量
多士塊

做法
1. 以鹽及胡椒為鵝肝調味，兩邊上麫粉
2.燒熱鑊加入鵝肝每邊煎約1分鐘
3. 以細火燒熱鑊，爆香洋蔥、蒜、葡萄，加入少許牛油，鹽及黑椒，炒約5分鐘
4. 加入陳醋及糖煮溶即成
5. 鵝肝放在多士面，淋上葡萄汁即可。

墾丁茶房

朋友剛去完西班牙，約了朋友去Maga Box唱K，兼收手信，唱到4:30，去了墾丁茶房下午茶，又幾抵，茶餐廳價錢，大大份，夠飽!多謝手信!

太古Lego展

太古又有Lego展，主題是世界旅遊景點，Lego展太多，這個，不太吸引了。

高達降落Time Square

今次Time Square勁正，有高達同渣古，越巨大，好似話每晚6點有閃燈有呯呯聲，今次真係搞得幾好。

Black n White

去開大角咀晚飯，先發現Blank n White都喺嗰度，雖然好飽，但都要食個甜品先，叫了雪糕，見佢成日上TVB，但都係普通，好係力奇好味!

力奇火煱

 收工同事食晚飯，去大角咀力奇火煱，第一次去大角咀食嘢，原來有好多嘢食，力奇個豬骨煱，大大大大煱，啲料鋪到滿滿的，食物大大碟，叫了很很很多食物，好飽好飽，好好味!正，開心的一晚!

嘉道理農場

同同事去嘉道理農場，以為好細好快行完，原來成坐山咁大，行到上觀音山，再落山要成4個鐘，好熱好攰好肚餓!

甜蜜蜜

睇完演唱會，太早了，去了厚福街甜蜜蜜宵夜，個朱古力豆腐花實在太唔得啦!

Eson's Life Concert

朋友識人買飛，好前，brown閘9段C行第14坐位。台前10幾行，第一次唔洗向上行，太興奮。全程齋唱，唔講嘢，Good Show!但好早完，未到11:00就完，冇encore，真係估唔到。

Qi呇

舊同事生日，book了7:30彎仔型裝川菜Qi，中文名叫呇，意指明亮的星。

去到餐廳樓下，收到經理電話，大廈32樓爆了花灑頭，水浸到30樓，要立即返去幫手，一去就11:00先走得。

立即趕去，只剩我們一枱，餐廳等收工，我用咗極速食朋友留比我既兩碗超麻辣食物，感覺好似玩緊鬥快食辣比賽，用最短時間食最辣食物，為了快快完事，逢嘢必影既我都放棄唔影相，叫朋友影完比返我就算，難得待應等收工都態度良好，淨係招乎我一個，唯有快快分亨埋個Natural Chiffon既cup cake走人，下次我會坐耐啲架啦，Happy Birthday呀，前C同事。

順德了能菜粥底火鍋

收工同同事出旺角食粥底火鍋，都係第一次，滾到最尾，個粥好入味，又唔貴，正!

Triple O

成日都食triple O，又佢剛剛到港40幾蚊食到依家60幾蚊，大大隻，好味，但薯條就真係麻麻了。