Time Square的怪獸公司

Time Square又有新嘢，怪獸公司，又真係幾得意既。

444的午餐

阿姐連放幾日，今日去IFC Lunch，楊經理臨時有事，5個人去了Asian Twist食星加坡嘢，埋單$444.4，真唔老黎。下午，果然出事，冇冷氣，lobby冇燈，冷氣好似倒數咁續層冇，太刺激了!下次見到4條死，叫多碟嘢食先好再埋單!

長浜拉麫

阿姐放假，去遠啲食lunch，行到去九如坊食米芝蓮拉麫，又真係幾好味!湯唔鹹，有肥豬肉，正。

韓燒+部隊鍋

同事生日，去左敦韓松食個韓式晚餐，好開心的一晚，食物又好味，部隊鍋唔鹹，樣樣都好好味!米酒啤酒都好，一班同事都好好，傾下食下又一晚!

Jean Paul Hevin

朋友送了Limited Edition既Macaron比我，自己不好，因太甜，得個靚字，既然咁靚，當然要影翻啲相先食啦，配紅茶，perfect afternoon tea。

Cafe Marco

又有生日飯，Marco Polo既自助餐，依家啲自助餐加晒價，但好味，生蠔只可每次攞兩隻，少咗啲囉，多謝前J、K、C同事，仲有生日禮物!

回到從前

朋友選了到分域碼頭Q-Deck慶祝我生日。分域碼頭，以前十幾歲成日去嘅地方，因為嗰間麥當勞係唯一一間有pizza同啤酒，仲有個大海景，坐親都起碼四個鐘，仲記得曾經喺度識咗個美籍法國玩heavy metal既靚鬼仔，已經XX年冇嚟，麥當勞一早冇咗，換了一間西餐廳，叫了黑啤、pizza、由一點坐到六點，兒時memory返晒嚟！

Happy Birthday Winnie

6月7日晩上，冇人約，自已去Ms B's買了幾件cake慶祝自己生日。

一位朋友send message比我，祝我今年快啲行正桃花，唔好再攪啲畸戀、孽緣。好啱聽。這一年，太唔開心，甚至有想過生日啲日結束生命，唔知自己生存再有什麼意義。今年生日有什麼生日願望?希望他結不成婚，他會離婚，有情人不能終成眷屬!2013年，一個不開心得生日，苦的，Happy Birthday，Winnie!

生日午飯

去完海洋公園，要趕返出中環，因為阿姐要同我食生日飯。但隧道塞車，一點仲未過隧道，同事話已到齊，好驚，好驚又係生日飯出事，好驚阿姐嬲咗。去到金鐘，立即飛的去蘭桂坊Harrington's，去到已經1:30，好彩，廚房煮唔切，食物未到，好險。下午阿姐仲親自去買蛋糕，有點受寵若驚。

生日遊ocean park

生日正日，當然是去海洋公園，因為免費。一個人去海洋公園，都係第一次，因為下午要返工，所以只有極速去睇企鵝就要走，我可能是最快離開海洋公園既客人，只有45分鐘。回程坐吊車，原來一個人坐吊車係好驚架!

生日早餐

一早起床，出發行去上環普慶坊，在Cafe Deadend吃個早餐，整個行程及地方都很旅行feel，點了Poached egg and Prosciutto，好味，一個很good的good morning，可惜得自己一個，唯一的美中不足。Cafe Deadend最出名的是Apple Pie，可惜早餐沒有apple pie，可以的話，很想帶T先生到這裡試一試!

大澳慶生日- 蘇廬+Tai O Lookout

踏入6月，我的生日月又到了，同朋友去大澳慶祝生日。近幾年大澳多了一些cafe，今次到大澳，已選定去蘇廬飲杯凍飲，hea一個下午先。

天氣非常熱，一去到大澳，就立即去蘇廬，是一間棚屋cafe，露天位置，有水有風有棚屋，不覺熱，很舒服，有大澳特式，隔離有人玩ukulele，又唱又彈，除了舒服，還多了份寫意。

離開蘇廬，對出有人賣炭燒雞蛋仔，久遺了的香港風味，一邊行一邊食。好快又到了大澳文物酒店。

它前身是一間差館，英式建築，為了保育，改為酒店，環境很美，很寧靚，拍拖最好，影完相，日落時份，去了酒店唯一餐廳Tai O Lookout晩餐。一間很美的玻璃屋，在餐廳內看著天色漸暗，再又暗轉黑，很浪漫，可惜同行的是女性朋友!

晩餐散點了fish & chip，大澳蝦醬炒飯，紫貝天葵芝士餅，再叫了紫貝天葵特飲，價錢不貴，地方又靚，很開心的一餐!

Night Check

第二次同楊經理night check，出發前，去了翠河食個宵夜先。蚵仔粥，公司三文治，飽晒。