生日Tea Buffet

朋友生日，去了銅鑼灣皇冠假日酒店既Kudos食Tea Buffet，$228一位包一杯餐茶，地方不大，但食物選擇比想像中多。當日大至有幾款魚生，大路的三文魚、吞拿魚、八爪魚等都有，魚生有光澤，生鮮。數款魚生壽司及腐皮壽司，味道好味。

冷盆有凍蝦，田螺，因個人不好此類食物，所以沒有品嘗，不知味道如何。

沙律有番薯沙律，通粉沙律、薯仔沙律，各款沙律菜等，材料生鮮，味道調較得不錯。

有兩款沖澠特飲，試了水蜜桃味，不會太甜，好好味!

熱盆有咖哩、龍蝦鉗、炸物、天婦羅、點心，炒粉麵等，味道都好平均，沒有特別出色亦沒有特別差。湯有中西兩款，南瓜湯及雜菜湯，味道都算鮮甜。

甜品就比較麻麻，雪糕櫃只有牛奶公司及阿波羅。

整體都覺得算不錯，起碼比同區的怡東好。

生日禮物麻，識了太多年，都不知道送什麼好，見到B仔記有Bear Bear加Cookies，買了!如果我生日都有人送比我就好啦，好得意呀。

沒有壓力的飯局

同楊經理晚飯farewell，選去Inn side out，搬咗去南華會，話要入會先可入內，$120入咗會，但後尾發現其實可以唔洗入會，因為跟本冇入check。

天氣凍，得幾度，要求坐入室內，地方比以前大好多好多。先來一杯hoegaarden及Nachos with chili餸一餸酒， Nachos薄身好脆，topping有蕃茄碎，清清地好fresh，辣肉碎另上，香辣好冶味。

等齊人，叫主菜，有K同事喜愛的三文魚pizza，好多三文魚鋪面，好足料。

班女仔叫的意粉、ceasar salad同ribs，ribs好腍，醬汁味道都剛好，配菜的薯條酸菜都做得好好味。

最好味最好味係牛扒，medium rear，外脆內軟，juicy多肉汁，面層有焦香的味道，超級好味。

成班同事一齊好開心，成晚一個話題，就係阿姐，成晚講咩都得，又唔怕得罪人，真係好開心。

嬲咗

阿姐話要搞食飯同楊經理farewell，booked咗pizza Express，行到一半，阿姐發皮氣話遠，去到又冇同楊經理打招呼，食完又嬲爆爆自己走先，仲要急到甩鞋，佢應該真係好嬲，嬲去得遠定係其它就唔知，只知得罪佢我死期到。

其實今次餐飯都叫幾好味，叫肉丸來錯肉丸意粉仲free個意粉比我哋，都叫good service。

隱世拉麵

收工同同事去深水埗隱家拉麵食lunch，隱家拉麵食位於西九龍中心蘋果商場裡面，真係好隱蔽。店鋪無裝修，但得好有特式，木板間格，全無粉飾，坐的是汽水箱。賣的是沾麵，有白伝，赤伝和黑伝。今次點了白伝，麵質比較硬，湯底濃但不會太鹹，有少少油，湯汁掛麵，好味。最欣賞係叉燒夠肥，我最鍾意。還有一隻溫泉溏心蛋，蛋黃全流心，十分出色。