華姐清湯腩

屋企人去旅行，冇飯開，突然想起Ｅ先生講過華姐清湯腩，就去咗天后食個牛腩麵，好咸呀，如果淡返多啲應該好味！都係九記好味！

蘇豪東德國豬手

約朋友比本passport佢做簽證，近近地去蘇豪東Berliner係德國嘢，叫咗豬手同德國腸，味道都ok，食完個腸都好飽，大半隻豬手要打包。杯cocktail就真係好唔掂，藥水味，好難飲。

rasupermen

收工自己去咗希慎試新嘢，拉麵加隻流心蛋，食咗，真係冇咩特別，都要80幾蚊碗，都係嗰句，達磨好味啲。

金鐘懷石料理

公司附近開咗間懷石料理，前排午餐做半價試過，覺得麻麻，今次楊經理請食飯，冇特價，成200蚊，味道唔值啲個價，見佢成日水靜河飛，真係捱唔到好耐，好懷念之前既burger king 呀!

BRAT

 

星期六收工，去咗BRAT食熱狗，lunch冇人。點咗個BRAT，係由onion, marjorm, honey製成既腸，配菜要了洋蔥同honey mustard，再加錢要烤番薯。炸番薯鮮橙色，好吸引，好味! 條腸好味，返而變做熱狗就麻麻，係啲洋蔥同mustard出事，下次要試吓第二款onion & mustard先得。

洗燥

今晚去睇黃子華楝篤笑，笑足全場，睇完仲買埋上次既娛樂圈血肉數史。返屋企再笑過。

德興火煱

同朋友晚飯傾去柬埔寨旅行既事，邊食邊傾，唔知住邊間酒店好。德興打邊爐又幾抵，佰幾蚊任食，加幾十蚊又可以坐多幾個鐘。食物
都OK。真係祈待去旅行呀。

好味吉列豬

唔開心，想起啲間日式吉列專門店-井吉日本吉列專門店Tonkichi Tonkatsu，世貿那間我試過，超好味。今次去恒隆那間，因為Ｅ先生成日去，好想去佢去過既地方。

入到去，發現有lunch set，比正價平，只係$130左右，但豬扒份量小啲，岩晒細食既我。真係好唔明點解炸完豬扒會唔油，太好味啦!另一推介係炸蠔，好好味!