2013年3月31日星期日

正義道軍火庫

在AMMO食完午，順道行一行這個前軍火庫，英式建築，有少少似1881，地方當然細很多。一直以為AMMO就是軍火庫，但原來是AMMO只是軍火庫的一小部份，可以獨立參觀前軍火庫而不用在AMMO用餐，所以如想到這裡的朋友，我會建議行完軍火庫就可離開，至於AMMO，算吧啦。


發佈者： 於 沒有留言:
標籤：

軍火庫午餐

同朋友到金鐘英國領事館對面，前軍火庫位置裡面的AMMO午餐，餐廳好靚，落地大玻璃，但就沒有靚景，因對著大斜破，一個午餐要$288，屬於好睇唔好食。同朋友點了帶子做頭盆，Risotto同超級creamy的芝士意粉做午餐，水要令叫，成$100支，甜品有奶凍同Creme Brulee。講真，我整既Creme Brulee好味好多，哈哈!

發佈者： 於 沒有留言:
標籤：

法國名牌麫包店

行得攰，同朋友去咗Eric Kayser坐，在海洋中心地下，新開，不多人，不用等位。感覺是一間咩都錯晒嘅餐廳，格局，價錢，食物，環境，裝修，定位，客人，全部錯晒，賣法國餐，但做到似日式格局麫包cafe咁，但定價又法國餐價錢，晚黑校暗燈賣紅酒都唔會有fine dining感覺，四周圍一家大細bb仔跑來跑去，最好係唔洗等位同有個大海景，法國名牌麫包店，但我沒有食麫包，只點了飲品，下次可以試一試他的麫包，希望可挽回分數。

發佈者： 於 沒有留言:
標籤：

2013年3月25日星期一

漁屋

玩完Disneyland，去了荃灣荃新天地漁屋食放題，又真係幾抵，佰約蚊，味道唔錯，又雞泡魚乾，好新奇，有得玩有得食，很滿足的一晚!

發佈者： 於 沒有留言:
標籤：

Disneyland

同事家姐在Disneyland做，有得免費入去玩，今次主攻兩個新區，Toy Story同越鑛飛車，Toy Story現了降落傘，其實好小兒科，但落嗰下已有啲驚，真係年幾大。越鑛飛車驚，但好好玩，真係好好玩，突然倒後，臨尾先加速，真係估佢唔到。巡遊又係新嘢，舊嘢就玩了Space Mountain，小小世界，同最鍾意既咖啡杯，同事T & K勁轉，so crazy，笑死我!最尾睇埋煙花先走，好開心呀!

發佈者： 於 沒有留言:
標籤：

2013年3月23日星期六

煤氣燈街

因為要去都爹利街既Starbucks，又再來到這條煤氣燈街。叫煤氣燈街，因為在這條花崗岩樓梯上有4支煤氣燈柱，歷史悠久，不時成為電視劇、電影場景，說真，又真是頗浪漫。


發佈者： 於 沒有留言:
標籤：

一個寧靜的早餐

星期六長週，約好同事食早餐，今次去近近地中環都爹利街Starbucks，啲間Starbucks特別之處係裡面有一個懷舊corner，裝修到一間舊冰室模樣，8:00去到，冇人，又包場。收了最愛的玉桂多士，試了亞洲風味特濃咖啡，靜靜地，真係好舒服。


發佈者： 於 沒有留言:
標籤：

2013年3月21日星期四

型格coffee cafe

同朋友食完好樂滿，佢想聽我講啲排發生既事，所以就去搵間靜靜地既cafe坐。諗咗好耐，去咗耀華街既The Caffe Acadmics，係HABITU新既精品line，街邊位著晒吊燈，好靚，型又有外國feel，但冇晒位，所以坐餐廳裡面。原本想飲杯coffee，但見到每人最低消費係$70，一杯coffee都係$48，唯有叫多件cake，coffee幾好，地方好坐，係一個好地方。

發佈者： 於 沒有留言:
標籤：

2013年3月20日星期三

Great Cafe

金鐘冇咩好食，PP裡面Great Cafe係其中一個選擇，最好味係Pizza，佰幾蚊一餐算ok!

發佈者： 於 沒有留言:
標籤：

2013年3月17日星期日

奧地利Cafe

不開心，漫無目的，一個人行到上環，去到Cafe Loise，抖一抖，靜一靜，想一想，依然不知到自己想點，忘記一個人很難!

發佈者： 於 沒有留言:
標籤：

2013年3月15日星期五

加東喇沙

中午同楊經理去上環永安睇垃圾筒，之後我帶了他去孖沙街食喇沙，他點了肉骨茶，以前時常來這裡，今日來到，又想起那些年與舊同事一起到這裡吃午飯。

發佈者： 於 沒有留言:
標籤：

2013年3月10日星期日

勝香園

星期六要返工，又係隔個星期去食個好早餐既日子，帶了經理去勝香園食個茄牛通，好味。

發佈者： 於 沒有留言:
標籤：

2013年3月9日星期六

屯門季季紅蝦禾米乳香豬

想食好耐，終於集齊一圍可以去食屯門藍地季季紅食蝦禾米乳香豬。如果唔係同事揸車，真係唔識去，講返主角乳豬，好味，皮硬咗少少，如果再鬆脆啲會再好啲。再叫咗好多其他小菜，蓮藕餅，冰淋醬烤骨，湯、雜茶煲、蒸魚、柚皮、炸軟殼蟹，樣樣都好好味。叫咗幾支啤酒，埋單都係每人佰幾蚊，真係好味又抵食。


發佈者： 於 沒有留言:
標籤：

2013年3月4日星期一

E神山

記得當年陳奕迅Taste the Atmosphere一出，已經想去影唱片封套啲座山，一等就兩年，終於有人肯同我去。

唱片封套拍攝地點係爛頭營，係位於大嶼山既大東山，3月3日，突然好鬼凍，得返13度，約好9:00去東涌飲茶食飽之後，就出發，搭11號去到伯公坳落車，沿大東山上，行2個鐘，全程都幾甘，石級大，冇平路，只可不停向上行，高完一個山頭又一個山頭，突然超大風超凍，得返幾度，啲屋仔終於出現我哋面前，真係好開心，，每間去下影下，又成2個鐘，終於都影到山寨版E神封面啦。用咗一個鐘行落山，攰到想滾落山咁濟，落到山，同事要趕返屋但，心急到行返出東涌，行咁一大半，真係唔得，要坐巴士，5:00先出到去大食代食個粉做午飯。



發佈者： 於 沒有留言:
標籤：

2013年3月3日星期日

Cafe Gray

朋友生日，book咗upper house cafe gray 食afternoon tea慶祝。點知另一個book位既朋友以為我會通知生日朋友，我又以為book位朋友一手一腳通知埋生日朋友，結果，我地兩個照食個TEA，晚飯先約生日朋友出黎。

講返upper house，都幾難搵，原來在萬豪右面，冇招牌既一間精品酒店。最頂樓，睇海，個人應為所有afternoon tea好睇唔好食，啲個都係，鹹點好味，但甜品真係好甜，不過可能係我唔好甜關係，食完真係好飽。




之後，因為生日朋友要趕湊女，約佢去希慎Habitu the table晚飯。生日快樂呀!
發佈者： 於 沒有留言:
標籤：
訂閱： 文章 (Atom)