新成員

Sogo感謝日，買了啲個，可以玩同試了!

高貴下午茶

剪完頭髮，超級肚餓，但件蛋糕好細件，食咗好似冇食過咁（玫瑰蛋糕+海鹽焦糖咖啡），仲要好貴，成舊水埋單!

啟德郵輪碼頭

啟德做咗郵輪碼頭後，第一次去，在九龍灣德褔坐小巴入去，好多人排隊，入到去，又唔係好多人喎，其實郵輪碼頭冇咩嘢行，最大驚喜係居然有芒草，配埋日落，好好好靚。行得攰，飲埋coffee先走，入夜後的郵輪碼頭，靜英英，偷情好地方，哈哈。

熱辣辣魚湯烏冬

放學凍冰冰，去嗚門來個熱辣辣魚湯烏冬，石鍋烏冬好熱，魚湯好甜，好足料!好暖!

AIA Central首席美術總監-Winnie Wong

我影架，估唔到出嚟咁似architecture既書，好pro咁，好有滿足感!

Happy Friday

收工約好舊同事去Elements Stormies Happy Hours，好開心，點了焗薯皮，水牛雞翼、Fish & Chip，Nacho，環境好，食物好，氣氛好!

蟹粉宴

又係團購，今次係4人蟹粉宴，蟹粉包，蟹粉飯，好正!

長龍店

不喜歡甜亦最討厭排隊，啲間餐廳絕對不是我杯茶，如果唔係朋友喜歡我都冇諗過試。不過食物係好味既，果茶不是太甜啱我口味，吐司夠脆，黑松露薯條都可以，但當然唔級麥當勞咁正，明太子意粉creamy,係一間與男生格格不入但女生會喜歡既餐廳。但等位過程絕對令到冇耐性既我火滾囉。

Keanu Reeves is back

本來睇Keanu好開心，但比人強吻就條氣唔多順，覺得好不受尊重囉!

「二郎系」拉麵

收工去深水埗食過混亂拉麫，混亂拉麵屬於二郎系拉麵，甚麼是「二郎系」？翻查史書，原來有段故的…

話說以前在日本東京，有一家開在大學附近的拉麵店名為「次郎」，老闆見貧窮的大學生胃口大，但又沒有錢，因此特別體恤他們，將拉麵煮得大大碗。好心當然有 好報，拉麵店越來越受歡迎，後來還出名到自成了一個派別，並把名字修訂為「二郎」。所以「二郎系」的特色，就是一個字：大。

大我就食唔到，叫了個小的，但個waiter嚟錯了個大的，所以我可以近距離見到個大大 混亂拉麫係咩樣，真係大到嚇親。

講返味道，同一集團既隱世拉麵好味好多!

 

SCAD

學校又有Site Visit，收咗工，去深水埗食個拉麵之後，就行去舊北九龍裁判法院，即依家既薩凡納藝術設計大學參觀，今日係學校開放日，阿sir帶我哋周圍行，但講啲嘢好似同FM冇咩關係囉。

其實佢平時都有guided Tour，有興趣可以睇吓以下web site:

http://visitscadhk.hk/tc/index.html