E神山

記得當年陳奕迅Taste the Atmosphere一出，已經想去影唱片封套啲座山，一等就兩年，終於有人肯同我去。

唱片封套拍攝地點係爛頭營，係位於大嶼山既大東山，3月3日，突然好鬼凍，得返13度，約好9:00去東涌飲茶食飽之後，就出發，搭11號去到伯公坳落車，沿大東山上，行2個鐘，全程都幾甘，石級大，冇平路，只可不停向上行，高完一個山頭又一個山頭，突然超大風超凍，得返幾度，啲屋仔終於出現我哋面前，真係好開心，，每間去下影下，又成2個鐘，終於都影到山寨版E神封面啦。用咗一個鐘行落山，攰到想滾落山咁濟，落到山，同事要趕返屋但，心急到行返出東涌，行咁一大半，真係唔得，要坐巴士，5:00先出到去大食代食個粉做午飯。