今次到澳門，住蘭貴坊酒店，香港book房時，話攞住張coupon就開以upgrade做套房，但去到chech in時，reception小姐話walk-in先可以upgrade，在我同朋友極力要求下，終於可以住到套房。間套房好靚，影相好得，我同朋友晚上玩完返酒店，喺房影相影到凌晨4點半。星期六以$980房價，住到咁靚既房，喺澳門算抵!
除咗蘭貴坊酒店，我哋仲租咗新華大旅店，是拍依莎貝拉既地方，預先在網上訂房，但訂唔到露台房，不過我哋既房都叫好，因為有窗，$120晚，成間旅店好懷舊，停留在6、70年代，綠色做主調，板間房，無隔音，鄰房揭報紙都聽到，無冷氣，只有風扇，要共用浴室廁所。影相真的很正，但住麻，冬天還可以，夏天的話，太熱了!
其實，今晚重頭戲係睇煙花，今個月達星期六都有兩場煙花，我今晚睇咗尾場10點嗰場，煙花好小兒科，同香港差好遠!
今晚，終於可以食到祥記麫家食蝦子撈麫。
之後，到MJ Cafe飲嘢，有7折，$20杯飲品，又無人，又舒服，又有MJ 啲歌聽，好抵!
宵夜去到六記買炸雲吞同鯪魚球，又去權記買豬骨粥返酒店食。
沒有留言:
發佈留言