重慶咖哩王

同事未去過重慶大廈食咖哩，今晚收工一行4人就去食下，一去到大廈門口，就有個印度人走過嚟，還掂未想到食邊間，就試佢嗰間啦。跟住個印度人左穿右插，重慶大廈實在好有異國風味。上到去7樓，坐底，好熟口面，原來蘇絲黃介紹過，叫咗好多食物，有咖哩角、咖哩燒雞，咖哩牛、羊、飯、奶茶，樣樣都好味，好飽，埋單每人都係佰幾蚊，好抵，阿蘇第一次冇介紹錯。