元朗食食食

一早去元朗學車上理倫課，上完堂，約了同事食飯，今次去了土耳其風格食土耳其嘢，叫了雞卷，好味。咖哩角，都好味。方洲沙律，一petpet，ok既。蒜油烤餅，好香好味!加埋芒果奶昔，好飽!
 
   

之後，同事又話想繼續食，去了燒賣皇后食冬菇燒賣，好味!

跟住再去食B仔涼粉，$68一大盆，足6人份量，食了兩三碗，頂唔順，太飽了!真係食唔落，B仔涼粉，好足料，有蜜瓜、哈蜜瓜、西瓜、大樹菠蘿、椰果、菠蘿、奇異果、蜜桃........食食吓，先發現B仔涼粉間鋪頭係叫佳記甜品，唔係叫B仔涼粉，叫B仔係因為當年老闆整了一個生果涼粉比一名雜工B仔食，因好味，之後係人都要食B仔嗰個涼粉，所以以後叫B仔涼粉，又學到嘢啦!