台灣祈福天燈5天遊-Day 2 - 平溪天燈節 (16-20 Feb 2011)

早上9點37分，前往瑞芳既火車由台北火車站開出，去到瑞芳站再轉乘平溪線小火車去平溪。沿途會經過侯硐、三貂嶺、大華、十分、望古、嶺腳才會到達平溪，而平溪線尾站係菁桐。由瑞芳到菁桐，全程需時大約50分鐘。因為平溪線既班次比較疏，所以一定要睇住時間表做人，如果miss咗一班車，分分鐘要等成個鐘。建議如果要到平溪遊覽，最好買平溪線一日週遊劵，54蚊台幣，可以一日內無限次上落平溪沿線各站。

http://pingshi.myweb.hinet.net/photo/f_09.jpg

http://pingshi.myweb.hinet.net/photo/f_08.jpg

啲兩日平溪線鐵路驛之旅，可以話係啲幾日行程裡面最好玩既，亦都係這次行程既主打景點。

平溪係平溪線其中一個大站，平溪街及中華街既兩旁，以兩層高既舊式建築為主，舊舊的很有古樸味道。站喺平溪橋上，夾岩時間的話，仲可以見到火車係高架橋經過既有趣情景。

來到平溪，第一件事就係去搵一早book咗既富源民宿。

http://pinsee.myweb.hinet.net/

其實事前，我同朋友都想book一啲比較有特式既民宿，好似係喺菁桐好有日式feel既東京民宿、北海道民宿，或喺十分既十分旅人民宿同樓仔厝民宿，但都因為當日係天燈節關係，一早比人book晒，富源民宿都係淨番最後一間4人房，房價都係幾佰蚊台幣，好平!雖然冇咩特式，不過乾淨企理。

擺下行李，就立即到菁桐遊覽，菁桐係平溪沿線各站中，最有日本味道既地方。整個菁桐小鎮都保留了日治時代既風格。車站主體全是以木建築，於1929年通車後，一直以來都保留住原始面貌，好像時光倒流一樣，經典!

一出車站，就有鐵道故事館，內裡有好多記念品發售，你可以買一塊木製明信片，經過古老郵筒，寄到香港的親朋戚友手中，不失為一件很好既手信。

而菁桐其它主要景點有菁桐老街，兩旁有好多風味小吃，地面鋪設的石磚，每隔幾步就有刻住菁桐歷史的石板。在這裡，可以嘗到楊家雞卷，真係幾好味!另外，我又試咗巧門西點蛋糕既天燈餅，其實同鳳梨酥冇咩分別，不過佢唔係四方形，而係天燈既六角形。

而個人認為菁桐最值得推介既景點係日式宿舍群，那裏全是建於日治時期，日本人建給煤礦場員工作宿舍用途的平房。每一間都充滿東洋味道。而現在多已成為民宿。

當中，必到的是皇宮茶坊，我同朋友入去食咗一個午飯，好正，內裡所有東西都很日本，日式木框趟門，榻榻米，日式亭園，傳統日式背景音樂陪著風聆聲，好似去到日本京都一樣，可惜不可拍照!

在菁桐另一樣必做的就是走到火車路軌影相，有趣呀!

離開菁桐，走到今日最後一站，十分。因當日是農曆正月十五，是當地一年一度的天燈節，所以四圍都是人。

一走出火車站，就會見到靜安吊橋，是當年用作運煤的橋。

沿著火車軌走，就是十分老街，是一條很有趣的街，因為你會見到火車在你屋前經過，當日所有人就在路軌上放天燈。放放吓，有火車到，就要即刻走埋一邊，好似走鬼咁，都幾得意。我都唔執輸，放咗一個天燈，仲要係四色，保佑愛情、健康、財運同事業，希望靈驗啦!

之後，去到煤礦博物館，因為趕住去睇放天燈，所以沒有入內仔細參觀。

差不多六點，我們一邊沿路買小吃醫肚，一邊走到當晚舉行天燈節既場地方，十分廣場。

其實平溪有天燈之鄉既稱號，相傳早期居民為防盜賊，以天燈互相通報平安之用。現在已成為台灣重要元宵節慶典，每年農曆春節至元宵，平溪，菁桐及十分都會舉行國際天燈節，會有成千上萬，寫上祝福字句既天燈一齊放上天空，場面十分壯觀。

當晚活動，仲有盧廣仲唱歌。

回程時，又吃了碗雞絲麫。

等火車期間，有艷遇呀，唔通個天燈咁靈?哈哈!

返到民宿，好攰啦，行裝又重，又落大雨，又冇得坐。當晚，睡得很好呢!

P.S.有用website:

http://www.pingshi.com.tw/index.aspx

http://www.2011psl.tw/