之後，立即去女王宮Banteay Srei，晨咁早，冇人，可以慢慢行，慢慢影。 女王宮係用來供奉濕婆神和毗濕奴神，因使用粉紅砂岩興建，所以整個寺廟會情現粉紅色。而紅沙石材比一般材料堅硬，不易風化脫落，所以較能雕成精細繁複的圖案，女皇宮真係好靚，我覺得比吳哥寺還要靚，係必睇既一個寺之一。行到中央殿堂，有圍欄唔比入，但有個保安叫我哋比US$2就放我哋入去，我哋比咗，但都有懷疑可能係啲保安專登欄住搵錢，不過兩蚊美金算啦，最重要係影到相。
去完女皇宮，都未到9點，返酒店食個早餐，沖個涼，休息吓，下午兩點再出發去斑蒂喀堤廟Banteay Kdei，其實斑蒂喀堤廟就在皇家浴池對面，今朝睇完日出唔順道去埋係想在旅行團未出發前去咗同一條路但遠少少既女王宮先。Banteay解作城堡，Banteay Kdei即修道院的城堡。好多地方都已經倒塌，有另一種味道。
從另一面走出Banteay Kdei，就可以見到另一個出名必到寺廟塔普倫Ta Prohm就在對面。最大特式是古蹟上被巨木盤結，樹根深入石縫中，形成寺中有樹，樹中有寺的畫面。些處亦是盜墓者羅拉拍攝地點之一。
其特色景點有被絞殺榕纏死的木棉樹，木棉樹深入石缝中生長成參天巨木，後被絞殺榕纏繞寄生後死亡。
另有巨蛇樹根，樹根有如巨蛇般，在石牆上爬行。部分位置更在石缝中繼續長出分枝。
西南迴廊巨樹，全場最大的巨樹，真是大得誇張。
樹根缝中探頭的仙女，樹根生長位置，剛好在阿卜娑婆前留了個洞，好像在窺探凡塵俗世。
深入塔中的樹，以及其它被樹根生長在牆上屋頂的有趣境像。
行完Ta Prohm，趕去睇尋日睇唔到既日落，David開快車趕去巴肯山，其他人要用15分鐘上山，我同朋友用10分鐘跑上山，咁辛苦，好彩都比我見到日落，見到日出又見到日落，好圓滿!
晚飯又去Pub Street，見到人多就入，去咗間叫Temple，7:30有阿卜娑羅女神舞睇，但我哋等唔到，因為太多昆蟲飛飛吓，成日飛落啲飯同餸度，真係要速食速逃。
沒有留言:
發佈留言