英倫之旅(1)

又來到英國，今次是被迫，因為要探親，本來今年不打算去旅行的我又要破費了，未出發，已洗錢買了一個行李喼。

晚上十一多時起飛，飛機很滿坐，我隔離位仲要係一個BB，BB算聽話，但佢瞓覺時就佔了我三分一位，12多鐘航程，到倫敦是早上五時多。氣溫很凍，只有12、3度，又著不夠衫。

坐Express到Paddington站，再坐Taxi到Euston站，剛剛好冇火車到Preston，去到Preston只不個是9時多，很早，見McDonald's依舊健在，就食個早餐先再行，點了個香港沒有的早餐，Bagel+Coffee，作為英倫的第一餐。

十點就到了舅婆屋企，全日都好sleepy，下午去街市買餸同行咗一陣商場就冇去過其他地方啦，又悶又凍呀!