一個鐘的車程就到，出到火車站，什麼都不理就上了巴士，入市中心，一段只不過是大約由筲箕灣到太古城的車程，就要1.6英磅，真貴。誤打誤撞落了車，又誤打誤撞去到St John College，它是劍橋大學的第二大學院，著名的嘆息橋The Bridge of Sigh就在這學院內。
St John's College隔離就是三一學院Trinity College，是劍橋最大的學院，曾經出了很多諾貝爾得主。中庭非常大，裡面的圖書館，so classic!可惜不可以影相，好似去了中世紀咁!
最後一個學院，King's College，劍橋大學最著名的學院，可惜因有考試，只可參觀小教堂。
行到成2點，很累，到了Jamie Oliver開的Jamie's Italian朝聖。點了個pasta同一杯飲品，pasta好細碟，樣子沒見過，味道未至於一試難忘。但總算試過了。
趕火車出London，到Corus Hotel Check-in，酒店一早在agoda book好，近地鐵，在海德公園對面，有feel wifi，仟幾蚊一晚，都算貴，不過一個人住，乾淨企理就腳有wifi最緊要。
休息一陣，就出發shopping了，先去在Piccadilly Circus的Cool Britannia，那裡有好多我認為係好行既英國手信，杯，茶葉等等，之後，就去了Fortnum & Mason，著名老牌名店，想買很多食物，但貴，只買了一樽olive比楊經埋。之後就趕住去Harrods買袋比家姐，最衰佢個counter換了位，搞到我要浪費時間搵佢個counter，剛剛好買到8:00收鋪。
跟住，晚餐，好趕好趕，要9:00收鋪前去Selfridge's食走過浮華大地翠如BB同洪永城介紹的鹹牛肉三文治。8:30去到Selfridge's，鬼死咁大，又要搵個food court在那裡，個個慢慢行，係得我係咁趕，趕到連個保安都要問我係咪搵緊嘢，有冇嘢要幫手。
幾經辛苦，搵到，食到，全份三文治8.95鎊，加青瓜0.75鎊，再加Diet Coke1.5鎊，total食個快餐都要11.2鎊。真是一個快餐，坐低都已經8:20，大大份，好想慢慢嘆，可惜人家9:00要關門，要快快食大大份三文治，味道如何?第一啖，好味，第二啖，有啲鹹，第三啖，鹹，第四啖要食青瓜中和，整體都叫好味，仲好飽!
沒有留言:
發佈留言