台灣祈福天燈5天遊-Day 3 (16-20 Feb 2011)

第二日在平溪，下雨，同朋友去咗間早餐店食個蛋卷加豆漿做早餐後，就坐火車回台北。

當日正月十六，宜拜神，所以一回到台北，就去了拜月老，聽聞位於廸化街一段61號(近中山站)既霞海城隍廟很靈，雖然廟細細，但超人氣。

拜月老前，記得要向廟祝公講你係從香港來，廟祝公就會教你拜月老程序同送一個福袋放紅线。拜月老有幾個step，第一步到櫃枱買金紙、香同貢品，貢品內有鉛錢、紅线同喜糖。

第二步，點香。

第三步，拜天公，並作簡單自我介紹，包括名字、年齡、地址，請天公保佑事事平安。

第四步，將貢品帶到城隍爺及月老面前作自我介紹，報告名字，地址、年齡及理想對象類型。

第五步，行到另一殿堂，拜一拜其祂菩薩。

第六步，去天公爐上香。

第七步，將貢品內既鉛錢同紅线在天公爐內順時針繞三圈，然後放在福袋內。

第八步，食貢品內的喜糖。

最後，喝平安茶。

拜完月老，就去食永康牛肉麫，又真係幾好味。

食完牛肉麫，就去陳豪介紹位於中山國中站既Gabee飲coffee，我哋點咗店主得獎作品，啡你莫薯，番薯match coffee，又唔係咁特別。仲有另一杯薰衣草的天空，朋友話唔好飲喎，下次都你係叫番啲普通嘢穩陣啲。不過Gabee又真係幾好hea。

Hea完，去南港站影幾米。

跟住，再去市政府站行誠品，三越，同新開既統一阪急百貨，仲買咗好多食物做手信。好似有查理布朗既雞蛋布丁同Q餅，好好味架，買滿1500蚊台幣可以安排最後回程嗰日送貨到酒店，雞蛋布丁要四日內食完。仲有買咗新式綠豆餅同豬肉干，都好好味!

行到成十一點，先去士林夜市食嘢，啲個時候，已經係連續行咗六個，冇坐過，又攰又餓，我哋掃咗豪大大雞排，蠔仔煎，豬潤湯，大腸包小腸。

成十二點幾先返到酒店，今次間房比前日大好多呀，正呀，今晚，攰爆，沖涼時仲發現因為揹啲嘢太重同揹得太長時間，兩邊膊頭有兩條血痕，唔怪得咁痛啦!