公主病發作

例牌要人請食飯，特別是要男士請食飯，是公主病其中一項特徵。

星期一上午，同事向小公主講星期五有一個farewell飯局，中午十二時半到酒樓午飯歡送同事T。

星期一下午，小公主向同事詢問飯局是否已定了地點? 酒樓名稱?在什麼地方?又問那酒樓是用點心紙叫點心?或是有點心車可以自己直接叫點心?當小公主知到是有點心車時，就說了句:「好，我哋會負責攞啲最貴嘅點心。」

星期二，小公主再問同事:「有咩人去? 有幾人去?十六樓reception去唔去? 我上次同佢食過一次飯，唔想再同佢食。」知道是有三個部門同事總共十七人去時，小公主就話:「咁多人?咪坐得好迫? 」

星期三，小公主又問同事:「其實今次是否要出錢定有人請? 」同事就答:「老細淨係話搞個farewell飯局，冇話是否他請。」小公主聽到後，就立刻轉口風:「咁都係唔好攞啲貴價點心。」

星期四，小公主再問:「是否三個部門都只係由代表出席?是否要出錢?可否問吓老細我哋是否要比錢?次次食親飯都係食完之後先話要夾錢，今次可唔可以問定先? 」

嘩，小公主，其實每次出去食飯都沒有人話係免費。每一次，同事是叫你們一齊出去食飯，而不是話請你們食飯。只係你們誤以為公主食飯不該比錢!

星期五的farewell飯局，小公主又不是主角，不明白為何她們要每日一問，很煩!有什麼人去，有幾多人去，不用你們粗心!

其實，小公主想免費食午餐都有辦法，就是拿出她們的絶招就可以。

什麼絶招?請待續。