鮨処光

朋友話要補祝我生日，佢又話好想食生嘢，結果我哋去咗天后一間小店鮨処光食一餐生嘢。

我哋點咗個由師傅發板既晚餐，先嚟個頭盆，有一條炸既多春魚，三文魚。

接住係魚生拼盆，新鮮。食淨咗個蝦頭，師傅會囉翻入廚房炸熟再食埋佢，成隻蝦頭食晒，好味!

之後再嚟壽司拼盆，和牛，天婦羅，烏冬同雪糕。

師傅每道菜慢慢上，咁啱又見佢鋪頭入緊貨，珍寶蠔好似好正，又整咗隻嚟食，好大隻呀，食完已經好飽。

師傅又介紹番茄，日本入口番茄，又真係好甜好好味。

今餐埋單其實好貴，兩個人成千五蚊。真係多謝晒呀。

今餐另一收獲就係見到佘詩曼，坐正我隔離枱，真人好廋呀。