超平超旺任食大排檔火鍋

天氣好凍好凍，打邊爐最好，收工同事話要帶我去沙田食超平火鍋，一行三人坐火車去到沙田圍，火車站對面就係新廣發，超旺超多人，好在剛剛有一枱人走。$68一位任食任飲，大排檔格局，全自助形式，自己去攞食物，自己去汽水櫃攞汽水，太有趣。雖然$68好平，但食物多多，肥牛、各種丸、蝦、麵、烏冬、菜，海鮮、連蠔都有，仲要是新鮮，真係超抵。味道方面，湯底不算濃，肥牛不會死肥，蜆有沙，炸魚皮夠脆，丸類彈牙，好多我都未見過食過，有個芋頭丸，甜甜地，幾好味，開心的一晚!